पेरिस (एजेन्सी)– च्याम्पियन्स लिगमा बुधबार बार्सिलोनाका लियोनल मेस्सी चर्चामा रहे । टोटेनह्यामलाई बार्सिलोनाले ४–२ ले हराउँदा मेस्सीले २ गोल गरे ।

मेसीका पूर्व सहकर्मी पेरिस सेन्ट जर्मेन (पिएसजी) का स्टार नेयमार पनि कम चर्चामा थिएनन् । त्यसको पनि कारण थियो । पिएसजीले रेड स्टार बेलग्रेडलार्ई ६–१ ले हराउँदा ब्राजिलियन स्टारले ह्याट्रिक प्रहार गरे । ह्याट्रिक गरेपछिको एउटा परम्परा नै छ । ह्याट्रिक गर्नेले बल घर लान पाउछन् । त्यहि ह्याट्रिक गरेको बल लिएर प्रेमिका ब्रुना मार्गुइजिनसँग खिचाएको तस्बिर नेयमारले इन्स्टाग्राममा राखेका थिए ।

नेयमारले सुरुवाती २ गोल पहिलो हाफमै गरेका थिए । तेस्रो गोल खेलको अन्त्यतिर गरेका थिए । ३ मध्ये दुई गोल उनले फ्रिकिकमा गरेका थिए । सन् २००९ मा क्रिस्टियानो रोनाल्डोपछि च्याम्पियन्स लिगको एकै खेलमा फ्रिकिकमार्फत २ गोल गर्ने नेयमार पहिलो खेलाडी बनेका छन् । नेयमार त्यो गोलपछि काकासँगै च्याम्पियन्स लिगमा सर्वाधिक गोल गर्ने काकाको कीर्तिमानसँग बराबरी गरेका छन् । उनले च्याम्पियनस लिगमा ३० गोल गरिसकेका छन् । उनको खेल जीवन अझै लामो छ ।

च्याम्पियन्स लिगका ४९ खेलमा नेयमार ४९ गोलमा भूमिाका निर्वाह गरेका छन् । नेयमार र उनकी ब्राजिलियन कलाकार प्रेमिकाले हस्ताक्षर गरिएको बलसहितको फोटो नेयमारको इस्न्टाग्राममा राखेका छन् । पहिलो खेलमा लिभरपुलसँग पराजित पिएसजी पछिल्लो जितसहित समूह चरणको अघिल्लो चरणमा पुग्ने दौडमा फर्केको छ ।

जितपछि पिएसजी समूहको तेस्रो स्थानमा छ । नेपोलीले लिभरपुलाई पराजित गरेपछि पिएसजी र लिभरपुलको सामान ३ अंक छ । शीर्षस्थानको नेपोलीको ४ अंक छ । रेड स्टारको १ अंक छ ।