‘विश्वकप सम्झन चाहन्न’ – नेयमार

पेरिस (एजेन्सी)– रुस विश्वकपलाई लिएर भएको आलोचना प्रति ब्राजिलियन फरवार्ड नेयमारले अतितको पछि नलाग्न आग्रह गरेका छन् । पेरिस सेन्ट जर्मन (पीएसजी) का स्टार नेयमारका अनुसार विश्वकप सकिएको र अतितलाई बिर्सेर अगाढी बढ्नु पर्ने बताएका हुन् ।

‘मेरो चोट र विश्वकप यो सब अतितमा भएको हो । यो कठिन थियो । तर, अब यो मेरा लागि अतित बनि सकेको छ । उक्त समय धेरै निराशा भएको थिए । अब म अगाढी बढिरहेको छु,’ नेयमारले भने, ‘आज मसँग दुखी हुँदा हुँदै पनि खुसी हुनुका धेरै कारण छन् ।’ हाल पीएसजीबाट राम्रो लयमा खेलिरहेका नेयमारले प्रशिक्षक थोमस टुचेलको पनि प्रसंसा गरेका छन् ।

उनका अनुसार टुचेलले क्लबमा केहि नयाँ ल्याएको उनको भनाई थियो । उनले भने, ‘टुचेलले पीएसजीमा केहि नयाँ ल्याएका छन् । मैले देखेको छु की उनी कति जित्न चाहन्छन भनेर । उनलाई मैले आफ्नो पहिलो कुराकानिमा सहि देखे,’ उनले थपे, ‘म स्वयं जे भन्दै छु त्यो मलाई थाहा भएको कुरा हो । उनी एक युवा प्रशिक्षक हुन् । उनी हामीलाई हरेक प्रशिक्षण सत्रमा देखाउछन् । उनीसँग काम गर्नु एक राम्रो अनुभव हो ।’

च्याम्पियन्स लिग जित्नु धेरै अप्ठेरो छ । नेयमारले भने, ‘तपाइले हरेक सानो जानकारीमा ध्यान दिनु पर्छ । हरेक खेलको रहेक दोस्रो खेलाडीका लागि ध्यान केन्द्रित गर्नु पर्छ र सधै आफ्नो केहि उत्कृष्ट दिनु पर्छ ।’ उनले थपे, ‘यहि हो जो हामी चाहन्छौ । हामी एक महान पीएसजी बन्न चाहन्छौ र सबैलाई आश्चर्यचकित पार्न चाहन्छौ ।’