टुरीन (एजेन्सी)– यसै सिजन स्पेनिस क्लब रियल मड्रिडबाट इटालियन क्लब युभेन्ट्स पुगेका पोर्चुगिज स्टार खेलाडी क्रिस्टियानो रोनाल्डोलाई इटालियन सिरी–ए मा ला लिगा भन्दा केहि अप्ठेरो हुने सिरी–ए का अनुभवी तथा ब्राजिलियन दिग्गज डिफेन्डर काफुले बताएका छन् ।

रोनाल्डोको बारेमा बताउँदै पूर्व ब्राजिलियन तथा एसी मिलान सेन्टर ब्याक काफुले भने, ‘उनी सम्पूर्ण सिरी–ए लाई विश्व चर्चित बनाउने मध्यम बनेका छन् । उनले यस लिगमा निकै मिहिनेत गर्नुपर्ने हुन्छ । यस लिगमा विपक्षी टोलीको खेल्ने शैली ला लिगा भन्दा धेरै कठिन छ, ‘ उनले थपे ।

काफुले भने, ‘रोनाल्डो सधै क्रिस्टियानो रोनाल्डो नै हुन् । उनी दुनियाँका सबैभन्दा राम्रो खेलाडी हुन् र सिरी–ए लाई केहि स्टार पावर दिने छन् ।’ इटालीको लिगले आफ्नो आकर्षण गुमाएको र प्रतियोगिता कमजोर भएको समेत कफुले गुनासो पोखे । ‘अब हामीसँग एक अर्को प्रतिस्पर्धी लिग छ । मेरो किशोरावस्थामा हरेक कोहि इटालीमा खेल्न चाहन्थे । जहाँ रोमा, मिलान, लाजिओ, युभेन्ट्स, स्याम्पडोरिया र नेपोली जस्ता क्लब छन्, ’ उनले भने ।

‘कुनै पनि खेलाडीको इटाली च्याम्पियनपिसपमा खेल्नका लागि एक सपना हुने गर्दथ्यो । दुर्भाग्यवश अहिले प्रिमियर लिग, बुन्डेसलिगा र ला लिगा बढी प्रतिस्पर्धी भएका छन् । अब सिरी–ए ले पहिलो जस्तै बन्नु पर्ने छ । जस्तो हामीले पहिला देखेका थियौ,’ काफुले भने ।

जारी सिजन क्रिस्टियानो रोनाल्डोले सुरुआतमा संघर्ष गरेका थिए । उनले आफ्नो पहिलो गोल गर्न तीन खेल खेल्नु पारेको थियो । तर, त्यसपछिउनले लिग खेलमा गोल गरेका छन् । टोलीको शत प्रतिशत यात्रामा उनको अहम भूमिका रहँदै आएको छ ।