टुरिन (एजेनसी)– युभेन्ट्स तथा अर्जेन्टिनाका फरवाडर पाउलो डिबलाले बार्सिलोनाका स्टार लियोनल मेस्सी र युभेन्ट्सका स्टार खेलाडी क्रिस्टियानो रोनाल्डोबीच कुनै अन्तर नरहेको बताएका छन् । उनले रोनाल्डो र मेस्सी असाधारण खेलाडी समेत नभएको बताएका हुन् ।

इटालीयन समाचार पत्र कोरिरे डेला सेराका अनुसार मेस्सी र रोनाल्डोसँग खेल्ने मौका पाएकाले दुबैलाई राम्रोसँग बुझ्न पाएको डिबलाले बताएका छन् । ‘म भाग्यमानि खेलाडी हु । किनकी म भाग्यमानी खेलाडी हुँ जो रोनाल्डो र मेस्सी जस्तो महान खेलाडीसँग खेल्ने मौका पाए । यसैले रोनाल्डो र मेस्सीबीच कुनै अन्तर छैन र उनी कोहि असाधारण खेलाडी पनि हैनन् ।’

डिबलाले रोनाल्डोको कार्य नैतिकताको बारेमा समेत प्रशंसा गरे की रोनाल्डोले कहिले पनि पोर्चुगलको कप्तानका रुपमा कठिन परिश्रम देखेका छैनन् । डिबलाले भने, ‘रोनाल्डोको बारेमा सबैभन्दा आश्चर्यको बिषय यो हो की प्रशिक्षणमा उनको तिव्रता र जित्ने इच्छा धेरै हुन्छ ।’

मेस्सी र रोनाल्डोसँग खेल्ने डिबला एक मात्र खेलाडी हैनन् । उनी भन्दा पहिले एंगेल डि मारिया, गोन्जोलो हिगुइन, कार्लोस टिभेज, पोर्चुगिज मिडफिल्डर आन्द्रे गोमेज र स्पेनिस सेन्टर–ब्याक जिरार्ड पिकेले दुबै खेलाडीसँग खेलेका थिए । रोनाल्डोले युभेन्ट्समा आफ्नो सात खेलमा अहिले सम्म तीन गोल मात्र गरेका छन् भने मेस्सीले बार्सिलोनाका यस सिजनका सबै खाले ९ खेल खेल्दै ८ गोल गरिसकेका छन् ।