यु–१८ एसियन स्कुल च्याम्पियनसिपमा नेपाल छैटौ

काठमाडौं (हाम्रो खेलकुद) – भारतमा भएको यु–१८ एसियन स्कुल फुटबल च्याम्पियनसिपमा नेपालले छैटौ स्थान हात पारेको छ । भारतको आग्रामा शुक्रबार भएको पाँचौं स्थानको लागि भएको खेलमा भारतसँग पेनाल्टी सुटआउटमा ४–३ ले पराजित भएपछि नेपालले छैटौ स्थान हात पारेको हो ।

नेपालले प्रतियोगितामा तीन खेलमा हारको नतिजा आत्मसात गर्दा सममान तीन खेलमा जित निकाल्न सफल भएको थियो । नेपालले चीनमाथि ३–१ को जित निकालेको थियो ।

अफगानिस्तानमाथि १३–१ को फराकिलो जित निकालेको नेपालले श्रीलंकामाथि १–० को झिनो जित निकालेको थियो । यस्तै नेपालले थाइल्यान्डसँग २–० ले तथा इन्डोनेसियासँग २–१ ले पराजित भएको थियो ।

यसै प्रतियोगिताको लागि नेपालले विराटनगरमा करिव एक महिना बन्द प्रशिक्षण गरेको थियो ।