6 years ago
September 25, 2018
काठमाडौं(हाम्रो खेलकुद)-भारतमा जारी ४६ औं संस्करणको एसियन यू–१८ स्कुल च्याम्पियनसीपमा नेपालले पहिलो जित दर्ता गरेको छ । आगरामा मंगलबार भएको खेलमा नेपालले चीनलाई ३–१ ले पराजित गर्दै प्रतियोगितामा पहिलो जित दर्ता गरेको हो । यसअघि नेपाल थाइल्याण्डसँग २–० र इन्डोनेसियासँग २–१ ले पराजित भएको थियो ।
नेपालको जितमा टिका गुरुङले दुई तथा कप्तान दिनेश हेन्जनले एक गोल गरे । खेलको सातौं मिनेटमा टिका गुरुङले गोल गर्दै नेपाललाई सुरुवाती अग्रता दिलाएका थिए । तर, नेपालले ३२औं मिनेटमा बराबरी गोल खान पुगेको थियो ।
पहिलो हाफ १–१ गोलको बराबरीमा सकिएपनि नेपालले दोस्रो हाफमा उच्च प्रदर्शन गरेको थियो । फलस्वरुप नेपालले ७०औं मिनेटमा गोल गर्न फल भएको थियो । कप्तान दिनेश हेन्जनले डि–बक्स बाहिर प्राप्त फ्रिकिकलाई गोलमा परिणत गरेपछि नेपालले खेलमा २–१ का अग्रता बनाएको थियो ।
त्यसको चार मिनेटपछि जय गुरुङको पासलाई सदुपयोग गर्दै टिकाले व्यत्तिगत दोस्रो गोल गरेपछि नेपाल ३–१ ले अघि बढेको थियो । त्यसपछि थप गोल निस्कन नसक्दा नेपाल ३–१ ले विजयी हुन सफल भयो । अब नेपालले समूह चरणको अन्तिम खेलमा बुधबार अफगानिस्तानसँग खेल्नेछ । यो खेलमा जित हात पारे नेपालले दोस्रो चरण पुग्ने सम्भावना बलियो बनाउनेछ ।
March 6, 2025
काठमाडौं (हाम्रो खेलकुद ) – नेपाल सुपर लिग (एनएसएल) को फ्रेन्चाइज टोली काठमाडौं रेजर्स एफसीले सियरा लियोनका अन्तर्राष्ट्रिय खेलाडी मोहम्मद बुया टुरेलाई अनुबन्ध गरेको छ। रेजर्सले बिहीवार प्रेस विज्ञप्ति जारी गर्दै टुरेलाई टोलीमा भित्राएको जनाएको हो। ३० वर्षीय फरवार्ड टुरेसँग स्विडेन, चीन र संयुक्त राज्य अमेरिकाको शीर्ष लिग खेलेको अनुभव छ। अहिले उनी अमेरिकी दोस्रो […]
March 6, 2025
एजेन्सी – फिफा क्लब विश्वकप २०२५ मा सहभागी टोलीहरूले ठूलो पुरस्कार जित्ने अपेक्षा गरिएको छ। प्रतियोगितामा भाग लिने ३२ टोलीको लागि पुरस्कार राशी कुल १ अमेरिकी अर्ब डलर रहेको छ। यो हालको फिफा विश्वकपको तुलनामा २.२७ गुणा बढी हो। फिफाको स्विजरल्यान्डको ज्युरिचमा बिहीवार बसेको कार्यकारी समिति बैठकमा क्लब विश्वकपका लागि १ अर्ब डलर पुरस्कार राशी […]
March 6, 2025
एजेन्सी – ह्यारी केनको २ गोलमा बायर लेभरकुसेनलाई ३-० को हार चखाउँदै बायर्न म्युनिखले च्याम्पियन्स लिगको क्वाटरफाइनलमा पुग्ने संभावनालाई मजबुत बनाएको छ। खेलको नवौं मिनेटमा नै बायर्नले अग्रता बनायो। माइकल ओलिसेको क्रसमा केनले हेडर गोल गरे। पहिलो हाफ १-० को नतिजामा सकियो। खेलको ५४ औं मिनेटमा लेभरकुसेनका गोलकिपर कोभारले किम्मिखको क्रस हातबाट छुटाए। जसलाई मुसियालाले […]
