टुरिन (एजेन्सी) – अघिल्लो वर्षको उपाधि विजेता क्रिस्टियानो रोनाल्डो यस वर्ष भने लण्डनमा हुने ‘फिफा बेस्ट अवार्ड’ मा उपस्थिती नजनाउने सम्भावना रहेको छ। 

लगातार तेस्रो पटक फिफाको यस अवार्डमा वेस्ट पुरुष खेलाडी बनेका रोनाल्डो यसपटक पनि मनोनयनमा छन् । लिभरपुलका मोहम्मद सलाह र रियल म्याड्रिडका लुका मोड्रिकसंगै रोनाल्डो पनि उत्कृष्ट खेलाडीको मनोनयनमा परेका हुन् । बार्सिलोनाका फरवार्ड लियोनल मेस्सी भने यो वर्ष मनोनयनमा पनि परेनन् । सुरुआतमा उपस्थी हुने भनेपनि ‘पारिवारिक समस्या’ देखाउँदै मेस्सी पनि उक्त समारोहमा उपस्थित नहुने भएका छन् ।

रोनाल्डो भने आज राती लण्डनमा हुने समारोहमा नजाने खबर स्काईस्पोर्ट्सले जनाएको छ । सम्हारोहमा जानु भन्दा उनले युभेस्टससँग बसेर अन्य खेलमा ध्यान दिन महत्वपूर्ण मानेको स्काईस्पोर्ट्सले जनाएको हो । विगत १० वर्ष यता रोनाल्डो र मेसीबीच बाँडिएको यस उपाधिले यसपटक भने नँया विजेता पाउने प्रवल सम्भावना छ । क्रोएसियाका मिडफिल्डरलाई यसपटक बलियो दावेदारको रुपमा हेरिएको छ ।

फिफाले हरेक वर्ष उत्कृष्ट पुरुष तथा महिला खेलाडीका साथै उत्कृष्ट महिला-पुरुष प्रशिक्षक, उत्कृष्ट गोलकिपर, फिफा फेयर प्ले, फिफा पुस्कास, फिफा फ्यान अवार्ड र फिफाप्रो विश्व ११ गर्दै ९ विधामा  खेलाडी तथा प्रशिक्षकलाई पुरस्कृत गर्दै आएको छ ।