फ्रेन्च लिग वानमा पिएसजी अपराजित

रेनिज (एजेन्सी) – डिफेन्डिङ च्याम्पियन पेरिस सेन्ट जर्मेन (पिएसजी) ले फ्रेन्च लिग वान फुटबलमा आफ्नो अपराजित यात्रालाई कायम राखेका छन् ।

लिग वान अन्तर्गत आइतबार राति भएको खेलमा पीएसजीले रेनिजलाई ३–१ ले पराजित गर्दै आफ्नो अपराजित यात्रालाई छैटौ खेलसम्म लम्ब्याएका हुन् । रेनिजको घरेलु मैदानमा पीएसजीको जितमा एन्जल डि मारिया, थोमस म्युनिर र इरिक म्याक्सिम चुप्पोले गोल गरे । रेनिजले आत्मघाती गोल उपहार पाएका थियो ।

खेलको ११औं मिनेटमा पीएसजी एड्रियन राविओटको आत्मघाती गोलबाट पछि परेको थियो । तर, पीएसजीले पहिलो हाफको अन्तिम समयमा बराबरी गोल फर्काउन सफल भयो । डि मारियाले ४५औं मिनेटमा बराबरी गोल फर्काउन सफलल भएका थिए । दोस्रो हाफमा खेलमा फर्किएको पीएसजीले थप दुई गोल गर्दै टिमको जित पक्का गरे ।

६१औं मिनेटमा नेयमारको पासमा थोमस म्युनिरले गोल गरेपछि पीएसजीले खेलमा २–१ को अग्रता लिन सफल भएको थियो । ८३औं मिनेटमा इरिकले गोल गरेपछि पीएसजीले रेनिजमाथि ३–१ को सहज जित निकाल्न सफल भयो । जितपछि अपराजित रहेको पीएसजी ६ खेलबाट १८ अंक जोडेर लिगको शीर्ष स्थानमा यथावत रहेको छ । रेनिज ८ अंकसहित १०औं स्थानमा छ ।