इंग्ल्यान्ड (एजेन्सी)– इंग्लिस प्रिमियर लिगमा अहिले व्यक्तिगत रुपमा सर्वाधिक सफल खेलाडी छन् ति की मोहमद सलाह हुन् नत्र  इडेन हाजार्ड । फिफाको द बेस्टको मनोनयनमा परेका सलाहलाई हाजार्डले उत्कृष्ट श्रेणीमा स्थान बनाउन चुनौती दिइरहेका छन् ।

यसै साता लिभरपुलले शनिबार साउथह्याम्पटनविरुद्ध ३–० ले जित निकाल्दा सलाहले एक गोल गरेका थिए । पाँच खेल खेल्दा दुई गोल गरेका सलाहले आफ्नो छैटौं खेलमा एक गोल गर्दै पुनः लयमा फर्किएको संकेत दिएका छन् । इजिप्सियन सलाहले यस सिजनको प्रिमियर लिग खेलमा तीन गोल गरेका छन् ।

त्यस्तै हजार्डले आइतबार चेल्सीका लागी वेस्टह्याविरुद्ध खेले । बेल्जियमका शीर्ष गोलकर्ता हाजार्ड यस सिजन निकै नै लयमा खेदिएका छन् । हाजार्डले पछिल्लो हप्ता कार्डिफविरुद्धको खेलमा ह्याट्रिक समेत गरेका थिए । हाजार्डले ब्लुजका लागि छ खेलमा पाँच गोल गरेका छन् । चेल्सीविरुद्ध लिभरपुल अन्तराष्ट्रिय सञ्चार माध्यमका अनुसार सलाह भन्दा हाजार्ड आफ्नो पक्षमा अग्रस्थानमा छन् ।

हजार्ड उत्कृष्ट कसरि हुन सक्लान् ?

सलाहको पहिलो सिजन उत्कृष्ट रहयो । तर, के उनी यस सिजनलाई सोहि रुपमा लैजालान् ? हाजार्डले आफ्नो स्तरलाई धेरै वर्षदेखि प्रिमियर लिगमा लगातार दोहोर्याइरहेका छन् । उनी धेरै अनुशासित छन् र मैदानमा सहज रुपमा जान्छन् । एन्टोनी ग्रिजम्यान, ग्यारेथ बेल तथा केलियन एमबाप्पे पनि आफ्नो सर्वश्रेष्ठ भन्दा केहि वर्ष पछाडी छन् ।

हाजार्डले पछिल्लो हप्ता कार्डिफविरुद्धको खेलमा निकै आक्रामक खेलेका थिए । माउरियो सारीले हाजार्डका लागिा नयाँ लक्ष्य निर्धारण गरेका छन् । चेल्सी प्रशिक्षकले उनलाई प्रिमियर लिगमा ४० गोल गर्नका लागि चुनौती दिएका छन् । हाजार्ड २०१२ मा लिलबाट चेल्सी अनुबन्ध भएका थिए ।

स्टामफोर्ड ब्रिजमा छ बर्ष बिताएका उनले चेल्सीका लागि ३०६ खेल खेल्दै ९४ गोल गरेका छन् । उनले २०१३ मा युरोपा लिग तथा दुई प्रिमियर लिग ट्रफी जितेका छन् । त्यस्तै उनले २०१५ मा प्रिमियर लिग सिजनको उत्कृष्ट खेलाडी बनेका थिए ।