एएफसी महिला यू-१६ : नेपालले मलेसियासँग खेल्दै

काठमाडौं (हाम्रो खेलकुद) – एएफसी यु–१६ महिला च्याम्पियनसिप अन्र्तगतको समूह ‘ईं’ को छनोटको अन्तिम खेलमा नेपालले आज मलेसियासँग प्रतिस्पर्धा गर्दैछ । खेल हल्चोकस्थित एपीएफको खेल मैदानमा नेपाली समयअनुसार दिउसो ३ः३० बजेपछि शुरु हुनेछ ।

पहिलो खेलमा फिलिपिन्ससँग ४–० ले पराजित भएको नेपाल दोस्रो खेलमा म्यानमारसँग ११–१ को फराकिलो अन्तरले पराजित भएको थियो । नेपाल समूहको अन्तिम खेलमा मलेसियालाई पराजित गर्दै छनोटमा सान्त्वना जितको खोजीमा हुनेछ । यता मलेसिया पनि छनोटमा जितविहिन रहेकाले पहिलो जितको खोजीमा हुनेछ । यो समूहबाट म्यानमार र फिलिपिन्स दोस्रो चरणा प्रवेश गरिसकेका छन् ।

आज नै समूह विजेताको छनोफानो लगाउन म्यानमार र फिलिपिन्सबीच दिउसो १२ः३० बजे खेल हुनेछ । म्यानमार बराबरीले पनि समूह विजेताको रुपमा अघि बढ्नेछ । हारले भने उपविजेताको रुपमा अघि बढ्नेछ । समूह ‘इ’ को छनोटमा आयोजक नेपालसहित मलेसिया, म्यानमार र फिलिपिन्स रहेका छन् । प्रत्यक समूहको शीर्ष टोली र दोस्रो स्थानको उत्कृष्ट दुई टोली दोस्रो चरणमा प्रवेश गर्ने प्रावधान रहेको छ ।