युरोपमा लिगमा सेभिल्ला ५-१ ले विजयी

एजेन्सी – यूईएफए युरोपा लिग अन्तर्गत बिहीबार भएको खेलमा स्पेनिस टोली सेभिल्लाले बेल्जियन क्लब स्टान्डर्ड लिएजलाई ५-१ ले पराजित गरेको छ । समूह ‘जे’ अन्तर्गत अर्को खेलमा एफसी क्राजोन्डारले अखिसार्स्पोरलाई १-० ले पराजित गर्यो ।

सेभिल्लाले खेलको आठौँ मिनेटमा एभर बनेगाको गोलमा अग्रता लिएको थियो । यता ३९ औं मिएँत्मा मौस जेनेपोले गोल गर्दै खेल बराबरीमा ल्याए । त्यसको २ मिनेटमै फ्रान्को भाज्केजले गोल गर्दै खेलमा सेभिल्लालाई अग्रता दिलाए । पहिलो हाफमा अन्य अवसर सिर्जना गरेपनि सेभिल्लाको प्रयासमा विपक्षी गोलरक्षकले राम्रो प्रदर्शन गर्दै बचाउ गरे ।

दोस्रो हाफमा विसाम बेन एडरले सेभिल्लाक लागि थप गोल गरे । उनले ४९ औं र ७० औं मिनेटमा गोल गर्दै टोलीको अग्रता फराकिलो पारे । कप्तान एभर बनेगाले ७४ औं मिनेटमा गोल गर्दै खेल आफ्नो पक्षमा पारे । यस जितसँगै सेभिल्ला यस समूहको शीर्ष स्थानमा पुग्यो । अर्को खेलमा क्राजोन्डारका भिक्टर क्लासेनले २६ औं मिनेटमा गोल गर्दै टोलीको जित पक्का गरे ।