योङ ब्वाइजमाथि म्यानचेस्टर युनाइटेडको सहज जित

बर्न (एजेन्सी) – इंग्लिस क्लब म्यानचेस्टर युनाइटेडले युइएफए च्याम्पियन्स लिग फुटबलमा स्वीट्जरल्यान्डको योङ ब्वाइजलाई ३–० ले पराजित गरेको छ ।

युनाइटेडले योङ ब्वाइजलाई उसकै घरेलु मैदानमा ३–० ले पराजित गरेको हो । युनाइटेडको जितमा पल पोग्वाले २ तथा एन्थोनी मार्सियलले एक गोल गरे । योङ ब्वाइजको घरेलु मैदान स्टेड डि सुइसेमा बुधबार राति भएको खेलम युनाइटेडले खेलको ३५औं मिनेटमा पल पोग्वाको गोलबाट अग्रता बनाउन सफल भएको थियो ।

४४औं मिनेटमा पोग्वाले पेनाल्टमिार्फत गोल गर्दै युनाइटेडलाई पहिलो हाफमा २–० को आरामदायी अग्रता लिन सफल भएको थियो । लुका सा को शत्तिशाली प्रहार रिवाउन्डमा फर्कदा एमबावुले ह्यान्ड गरेपछि युनाइटेडले पेनाल्टी पाएको थियो ।

६६औं मिनेटमा एन्थोनी मार्सियलले गोल गर्दै युनाइटेडलाई ३–० को सहज जित दिलाए । योङ ब्वाइजले पनि गोल गर्ने केही मौकाहरु खेर फाल्दा पराजित हुन पुग्यो ।
जितसँगै समुह ‘एच’ युनाइटेडले ३ अंक जोडेको छ । यो समूहमा युभेन्टसले भ्यालेन्सियालाई २–० ले पराजित गर्दै तीन अंक जोडेको छ । योङ ब्वाइज अंक विहीन छ ।