एजेन्सी – फ्रान्सको राष्ट्रिय टोलीका महत्त्वपूर्ण सदस्य तथा विश्वकप विजेता एन्टोइन ग्रिजम्यानले रुस विश्वकपमा गरेको आफ्नो प्रदर्शन पछि आफु विश्व स्तरीय खेलाडीको स्थानमा रहेको बताएका छन् ।

उनले लियोनल मेसी र क्रिस्टियानो रोनाल्डो जस्तै गोल गर्न नसकेपनि आफ्नो स्किलका आधारमा स्तरीय खेलाडी रहेको बताए । ‘फुटबल हेर्ने विभिन्न तरिका हुन्छन् । यो स्पष्ट छ की म रोनाल्डो, मेसी, नेयमार वा केलियन एमबाप्पे भन्दा फरक छु, ’ ग्रिजम्यानले भने, ‘म विश्वस्तरीय खेलाडी हुँ र अझै राम्रो गर्न सक्छु । म सबैमा पूर्ण हुन चाहन्छु । म ५० गोल गर्ने मध्येको हैन । तर, म टिमका लागि अट्रयाकर र टिमलाई सहयोग गर्द छु ।’

ग्रिजम्यानले थपे, ‘मलाई यस्तो लाग्छ की अन्य खेलाडी निश्चित रुपमा मान्ने छैन्न् । तर, म अझै राम्रो हुन सक्छु ।’ उनी फिफाको द बेस्ट अवार्डमा आफ्नो नाम सार्वजनिक नहुँदा खुसी छैनन् । ‘यो फिफाले दिने पुरस्कार हो भन्दा लज्जाको विषय हो  भन्ने लाग्छ । कोहि पनि विश्वकप उपाधि विजेता यस सुचिमा छैनन् । हाम्रो विश्वकप यात्रा उत्कृष्ट थियो । जस्तै एमबाप्पे, भराने र कान्टे,’ उनले थपे, ‘ बेलोन डि’ओर योभन्दा धेरै प्रतिष्ठित उपाधि हो । तर, यसमा पनि विवाद छ । यो मेरो आफ्नो विचार हो । मलाई यस्तो लाग्छ ।’