बार्सिलोना (एजेन्सी) – युरोपेली च्याम्पियन्स लिग अन्तर्गत समूह बी को पहिलो खेलमा बार्सिलोनाले पीएसभी आइन्डोभनको सामना गर्दैछ । नेपाली समयअनुसार १०:४० मा सुरु हुने खेलको लागि दुवै टोलीले सुरुआती ११ घोषणा गरेका छन् ।

बार्सिलोनाले यस सिजन च्याम्पियन्स लिगको पहिलो खेलमा मिडफिल्डर फिलिपे कोउटिन्होलाई डेब्यु दिएको छ । उनी गत सिजन नै बार्सिलोना आएपनि च्याम्पियन्स लिगमा भने खेल्न पाएका थिएनन् । उनीसँगै मिडफिल्डको जिम्मेवारी इभान राकीटिच र सर्जियो बुस्केट्सले सम्हाल्नेछन् । आक्रमणमा कप्तान लिओनेल मेसीसँगै लुइस सुआरेज र ओस्मान डेम्बेले हुनेछन् ।

बार्सिलोनाले विगतमा लिग र कपमा फरक गोलरक्षक खेलाउने प्रयास पनि गरेको थियो । यसपटक भने मार्क आन्देर टेर स्टेगननै पहिलो रोजाईका गोलरक्षक रहेका छन् । मध्य डिफेन्समा जेरार्ड पिके र स्यामुएल उम्टिटी रहेका छन् । जोर्डी आल्बा र सर्जी रोबर्टो विंगब्याकका रुपमा रहनेछन् । वैकल्पिक खेलाडीमा जास्पर सिलेसन, नेल्सन सेमेडो, आर्थर, राफिन्हा, क्लेमेन्ट लेन्ग्लेट, मुनिर एल हदादी र आर्टुरो भिडाल रहेका छन् ।

बार्सिलोनाको सुरुआती ११:

स्टेगन

अल्बा – पिके – उम्टिटी – रोबर्टो

राकीटिच – बुस्केट्स – कोउटिन्हो

डेम्बेले – सुआरेज – मेसी

पीएसभी:

जोरिएन जोएट

देन्जेल दम्फ्रिज – ड्यानीएल स्वाब – निक भिएरगभर – एन्जेलिनो

पाब्लो रोजारियो – जोरिट हेन्डरिक्स

स्टिभन बर्गविजन – गास्टोन परेइरो – हर्भीङ लोजानो

लुक डे जोङ