मिलान (एजेन्सी) – युरोपेली च्याम्पियन्स लिग अन्तर्गत समूह ‘बी’ को पहिलो चरणको खेलमा इटालियन क्लब इन्टर मिलान र टोटेनहम हट्स्पर भिड्दै छन् । इन्टरको घरेलु मैदान सानसिरोमा हुने खेल नेपाली समयअनुसार रातको १०:४० बजे सुरु हुनेछ ।

घरेलु टोली इन्टरले चोटका कारण क्रोएसियाका राइट ब्याक सिमे भर्साल्कोलाई गुमाएको छ । ड्यानिलो डी एम्ब्रोसियो र लौटारो मार्टिनेज पनि पूर्ण रुपमा फिट छैनन् र खेलको अगाडी मात्र स्थिति थाहा हुनेछ । प्रशिक्षक लुसियानो स्पालेटीले डाल्बर्ट, रोबर्टो जिलार्दिनो र जोआओ मारियोलाई च्याम्पियन्स लिग टोलीमा राखेका छैनन् ।

यता टोटेनहमको पनि चोटका कारण निकै समस्या रहेको छ । प्रशिक्षक माउरिसियो पोचेटिनोले काइरन ट्रीपिएर र टोबी एल्डरवेरल्डलाई रणनीतिक कारण देखाउँदै लन्डनमै छाडेर आएका छन् । ह्युगो लोरिस, डेले अली र मौसा सिसोको चोटका कारण उपलब्ध रहने छैनन् । ठूलो टोली भएका कारण जुआन फोइथ, जर्जेस-केभिन एनकुडु र भिन्सेन्ट जान्सेन च्याम्पियन्स लिग टोलीमा अटाउन सकेनन् ।

इन्टर मिलान र टोटेनहमबीच भएको पछिल्लो ५ खेलमा स्पर्स दुई पटक विजयी भएको छ भने इटालियन टोलीले २ जित हात पारेको छ । यसक्रममा स्पर्सले १६ गोल गर्दै १० गोल खाएको छ । पछिल्लो पटक यी दुई टोली आमनेसामने हुँदा स्पर्स ६-१ को फराकिलो अन्तरले विजयी रहेको थियो । सन् २०१६ मा मैत्रीपूर्ण खेलमा ह्यारी केनको दुई गोलको मदतले स्पर्स सहजै विजयी रहेको थियो ।

इन्टर मिलानले इटालियन लिगको पछिलो खेलमा घरेलु मैदानमा पार्मासँग १-० को हार बेहोरेको थियो । टोटेनहम पनि घरेलु मैदान वेम्बलीमै लिभरपुलसँग २-१ ले पराजित रहयो । दुवै टोली लिगको हारलाई च्याम्पियन्स लिगको सफल सुरुआतले बिर्साउने प्रयासमा हुनेछन् ।

सुरुआती ११ :

इन्टर मिलान:

सामिर हान्डानोभिच

मिलान स्क्रिनियर – स्टेफन डे भ्रिज – मिरान्डा – क्वाडो आसामोह

माटीआस भेचिनो – मार्सेलो ब्रोजोभिच

माटियो पोलिटानो – राद्जा नाइनगोलन – इभान पेरिसिच

माउरो इकार्डी

टोटेनहम हट्स्पर:

मिसेल भोर्म

सर्ज आउरिएर – डाभिन्सन सान्चेज – जान भर्टोन्घन – बेन डेभिस

भिक्टर वानयामा – मौसा डेम्बेले

एरिक लामेला – क्रिस्टियन एरिक्सन – लुका मोउरा

ह्यारी केन