एजेन्सी – युरोपेली च्याम्पियन्स लिग अन्तर्गत मंगलबारदेखि समूह चरणअन्तर्गत पहिलो खेल हुँदैछ । आज समूह ए देखि डी सम्मको खेल सम्पन्न हुनेछ ।

समूह ‘ए’ मा क्लब ब्रुजाको मैदानमा बोरुसिया डर्टमुन्डले प्रतिस्पर्धा गर्नेछ भने एटलेटिको म्याड्रिडले मोनाकोको घरेलु मैदानमा खेल्नेछ । दुवै खेल नेपाली समयअनुसार रातको १२:४५ बजे सुरु हुनेछ । समूह ‘बी’ मा टोटेनहम हट्स्परले इन्टर मिलानको मैदान सान सिरोमा प्रतिस्पर्धा गर्नेछ । बार्सिलोनाले डच क्लब पीएसभीलाई आफ्नो घरेलु मैदानमा निम्तो दिनेछ । दुवै खेल रातको १०:४० मा सुरु हुनेछ ।

समूह ‘सी’ को खेलमा लिभरपुलले फ्रान्सेली च्याम्पियन पेरिस सेन्ट जर्मेनको चुनौती स्वीकार्नेछ । नेपोलीभने रेड स्टार बेलग्रेडको घरेलु मैदानमा प्रतिस्पर्धा गर्दैछ । सबैभन्दा कमजोर मानिएको समूह ‘डी’ मा गालाटासरे र लोकोमोटिभ मस्को आमनेसामने हुँदैछन् । समूहको अर्को खेलमा सालका र एफसी पोर्टोले जर्मनीमा प्रतिस्पर्धा गर्नेछन् । यी दुवै समूहको खेल रातको १२:४५ बजे हुनेछ ।

खेल हुने नेपाली समय :

इन्टर मिलान विरुद्ध टोटेनहम हट्स्पर – रातको १०:४० बजे

बार्सिलोना विरुद्ध पीएसभी – रातको १०:४० बजे

गालाटासरे विरुद्ध लोकोमोटिभ मस्को – रातको १२:४५ बजे

साल्का विरुद्ध एफसी पोर्टो – रातको १२:४५ बजे

लिभरपुल विरुद्ध पेरिस सेन्ट जर्मेन – रातको १२:४५ बजे

रेड स्टार बेलग्रेड विरुद्ध नेपोली – रातको १२:४५ बजे

क्लब ब्रुजा विरुद्ध बोरुसिया डर्टमुन्ड – रातको १२:४५ बजे

मोनाको विरुद्ध एटलेटिको म्याड्रिड – रातको १२:४५ बजे