युभेन्ट्सको जितमा रोनाल्डोको २ गोल

टुरिन (एजेन्सी)– युभेन्ट्समा आबद्ध भएयता अन्ततः क्रिस्टियानो रोनाल्डोले गोलको खडेरी तोडेका छन् । पोर्चुगिज स्टारको २ गोलको मद्दतमा युभेन्ट्सले आइतबार सासाउलोलाई २–१ ले हराएको छ ।

नयाँ सिजनको सुरु भएपछिका तीन खेलमा ३३ वर्षे रोनाल्डो गोल विहिन रहँदैअ ाएका थिए । तर, चौथो खेलमा आइपुग्दा उनका लागि गोल सहज रह्यो । दास्रो हाफको पाँच मिनेटमै उनले सहज ट्यापमा गोल गरेका थिए ।

युभेन्ट्सका लागि ४ खेलमा २८ आक्रमणमा रोनाल्डो गोल गर्न सफल भएका थिए । आइतबारको रोनाल्डोका लागि विशेष थियो , ६५ औं मिनेटमा उनले अर्को गोल थपे र टोलीलाई मजबुत अवस्थामा पुर्याए । इन्जुरी समयको पहिलो मिनेटमा खोमा बाबाकारले गोल गरेपछि युभन्ट्सलार्ई जितबाट रोक्न सकेनन् ।

युभेन्ट्सले १० खेलाडीमा सिमित हुँदै खेलको अन्त्य गरेको थियो । डगलस कोस्टाले इन्जरी समयमा रातो कार्डको दर्शन गर्नुपरेको थियो । ४ खेलमा शतप्रतिशत नतिजासहित युभेन्ट्स शीर्षस्थानमा छ ।

आइतबार सिरिएका अन्य खेलमा साम्पडोरियाले फ्रोसिनोनेलाई ५–० ले, गिनाओले बोलोग्ना एसीलाई १–० ले हरायो । रोमा र एसी किएभो भेरोनाले २–२ तथा उडिनेसी र टोरिनोले १–१ को बराबरी खेले ।