म्याड्रिड (एजेन्सी) – स्पेनिस ला लिगा अन्तर्गत शनिबार रियल म्याड्रिडले एथलेटिक बिल्बाओको घरेलु मैदानमा प्रतिस्पर्धा गर्दैछ । लिगमा शत प्रतिशत जित दर्ता गरेको रियल आफ्नो लयलाई निरन्तरता दिने सुरमा छ ।

रियलको टोलीमा चोटको कुनै समस्या नरहेकाले प्रशिक्षक जुलेन लोपेटेगुईले बलियो टोली उतार्ने सम्भावना छ । पछिल्ला २९ मध्ये २६ अवे खेलमा अपराजित रियल लिगमा लगातार चौथो जित हासिल गर्ने लक्ष्यमा हुनेछ । पछिल्ला ८ खेलमा कम्तिमा २ गोल गरेको रियल म्याड्रिडमा यस सिजन रोनाल्डोको अनुपस्थिति खड्केको छैन । रियलले ३ खेलमा १० गोल गरिसकेको छ । पछिल्ला ६ खेलमा एथलेटिक बिल्बाओले रियललाई पराजित गर्न सकेको छैन ।

बिल्बाओका लागि इनिगो लेउके चोटका कारण उपस्थित हुने छैनन् । मुख्य फरवार्ड अरिट्ज अडुरिज पनि चोटका कारण खेल्ने नखेल्ने पक्का छैन । चोटबाट फर्केका इनिगो मार्टिनेजले सुरुआती रोजाइमा खेल्न सक्ने छन् । इनाकी विलियम्स र सुजाएटाले आक्रमणको जिम्मेवारी सम्हाल्नेछन् ।

सम्भावित सुरुआती ११ :

एथलेटिक बिल्बाओ :
सिमोन
मार्कोस – अल्भारेज – मार्टिनेज – युरी
डानी गार्सिया – राउल गार्सिया – इकार मुनिआइन
मार्केल सुजाएत – अरिट्ज अडुरिज – इनाकी विलियम्स

रियल म्याड्रिड:
थिबाउट कोर्टुआ
मार्सेलो – सर्जियो रामोस – राफेल भाराने – ड्यानी कार्भाजल
लुका मोड्रीच – टोनी क्रुस – इस्को
ग्यारेथ बेल – करीम बेन्जेमा – मार्को एसेन्सियो