वेम्वली (एजेन्सी) – इंग्लिस प्रिमियर लिग फुटबलमा आज राति सात खेल हुदैछ । अन्तर्राष्ट्रिय विश्रामपछि फेरि क्लब लिग शुरु हुन लागेको हो ।

प्रिमियर लिग अन्र्तगत आज टोटनह्याम र लिभरपुलबीच निकै रोमाञ्चक र प्रतिस्पर्धात्मक खेल हुदैछ । खेल टोटनह्यामको घरेलु मैदान वेम्वली स्टेडियममा साँझ ५ः१५ बजेपछि शुरु हुदैछ ।

यो सिजन उच्च प्रदर्शन गरिरहेको लिभरपुललाई टोटनह्यामले आफ्नो घरेलु मैदानमा पहिलो हार चखाउने योजनामा हुनेछ । टोटनह्यामको यो योजनामा ह्यारी केन, लुकास मौरा, क्रिस्टियन इरिक्सन, मौसा डिम्वेले, इरिक डेर र डेल अली मुख्य हतियार हुनेछन् ।

यता, यो सिजन उच्च प्रदर्शन गरिरहेको लिभरपुल टोटनह्यामलाई घरेलु मैदानमा स्तब्ध पार्दै आफ्नो अपराजित यात्रालाई निरन्तरता दिने योजनामा हुनेछ । लिभरपुलका साडियो माने, रोबर्टाे फिर्मिनो, मोहम्मद सलाहले जुनसुकै बेला पनि टोटनह्यामको रक्षापङ्ति तोड्न सक्दछ । यस्तो अवस्थामा लिभरपुसल प्रिमियर लिगमा आफ्नो अपराजित यात्रालाई कायमै राख्न चाहन्छ । यि दुई टोलीबीचको पछिल्लो सिजनको दुई भेटमा टोटनह्याम सफल देखिएको छ । टोटनह्यामले पहिलो खेलमा ४–१ को जित दर्ता गर्दा दोस्रो खेलमा २–२ को बराबरी खेलेको थियो ।

टोटनह्यामले यो सिजन खेलिएको चार खेलमध्ये १ खेलमा हार बेहोरेको छ । टोटनह्याम ४ खेलबाट ९ अंकसहित पाँचौ स्थानमा छ । यता सशप्रतिशत जित निकालेको लिभरपुल ४ खेलबाट १२ अंकसहित शीर्ष स्थानमा छ । समान १२ अंक भएपनि चेल्सी र वाटफोर्ड दोस्रो र तेस्रो स्थानमा छ ।

प्रिमियर लिगमा अन्य खेलहरु

एएफसी बोर्नामाउथ विरुद्ध लेस्टर सिटी (राति ७ः४५ बजे)

चेल्सी विरुद्ध कार्डिफ सिटी (राति ७ः४५ बजे)

हडर्सफिल्ड टाउन विरुद्ध क्रिस्टल प्यालेस (राति ७ः४५ बजे)

म्यानचेस्टर सिटी विरुद्ध फुलहम (राति ७ः४५ बजे)

न्यु क्यास्टल युनाइटेडविरुद्ध आर्सनल (राति ७ः४५ बजे)

वाटफोर्डविरुद्ध म्यानचेस्टर युनाइटेड (राति १०ः१५ बजे)