बार्सिलोना (एजेन्सी)- बार्सिलोनाका स्टार लियोनल मेसीले स्पेन भित्रका एथलेटिको बिलबाओ, रियल मड्रिड, एथलेटिको मड्रिड र सेभिल्लाविरुद्ध सर्वाधिक गोल गरेका छन् । तर, यस पटक मेसीले स्पेनबाहिर रहेका पाँच क्लबमाथि जित दर्ता गरेको तथ्य साधारण खेलाडी भन्दा माथि नै छ ।

उनले सर्वाधिक गोल गरेका गैर स्पेनिस क्लब यस्ता छन् :

५. म्यानचेस्टर सिटी

इंग्लिस च्याम्पियन क्लब म्यानचेस्टर सिटीविरुद्ध युईएफए च्याम्पियन्स लिगमा बार्सिलोनाका स्टार खेलाडी लियोनल मेस्सीले छ पटक प्रतिस्पर्धा गरेका छन् । जहाँ सिटीले छ पटक सबै भन्दा घातक क्लबसँग प्रतिस्पर्धा गर्नुपर्यो । सिटीविरुद्ध आफ्नो छ प्रतिस्पर्धामा मेस्सीले ६ गोल गरे । उनले ६ गोलसँगै तीन असिस्ट समेत गरेका थिए । जसमा सिटी मेस्सीको स्पेन बाहिरको सर्वाधिक गोल गर्ने टिम मध्येको एक बन्यो । सन् २०१५ मा मेसीले सिटीविरुद्ध पेनाल्टी गुमाएका थिए ।

४. बायर लेभरकुसन

लेभरकुसेनसँग मेसीले एउटै खेलमा ५ गोल गरे । जो मेसीका र बार्सिलोनाका समर्थक होस् या लिभरकुसेन समर्थक, अहिले सम्म कसैले बिर्सन सक्दैनन् । अर्को खेलमा मेसीले थप दुई गोल गरे । उनले तीन खेलमा जम्मा सात गोल गरेका छन् ।

३. सेल्टिक

सेल्टिक लियोनल मेस्सीको सर्वाधिक गोल गरेको गैर–स्पेन क्लब मध्ये तेस्रो क्लब हो । उनले सेल्टिकविरुद्ध छ खेल खेलेका छन् । मेसीले सेल्टिकविरुद्ध छ खेल खेल्दा ८ गोल र एक असिस्ट गरेका छन् ।

२. एसी मिलान

मिलान फुटबल इतिहासकै ठुलो क्लब मध्ये एक हो । इटालियन क्लबविरुद्ध मेस्सीले आश्चर्यजनक नतिजा निकालेका छन् । मेस्सीले मिलानविरुद्ध ८ खेल खेल्दै ८ गोल गरेका छन् । सँगै चार पटक असिस्ट समेत गरेका छन् । जो कुल गोल योगदान १२ पुगेको छ । उनले चार पटक खेल पनि जितेका छन् । तीन पटक बराबरी खेल्दा मेस्सीले एक खेल मात्र गुमाउन पुगेका छन् ।

१. आर्सनल

इंग्लिस क्लब आर्सनलका लागि मेस्सी धेरै नै घातक साबित भएका छन् । मेसीले आर्सनलविरुद्ध छ खेल खेले । उनले छ खेलमा ९ गोल गरेका छन् । यससँगै आर्सनल मेस्सीका लागि गैर–स्पेनिस क्लब मध्येमा सर्वाधिक गोल गरेको क्लब हो । यससँगै मेस्सीले आर्सलनविरुद्ध व्यक्तिगत उत्कृष्ट प्रदर्शन समेत गरेका छन् । जस्तो की २००९–१० को सिजनमा लन्डनस्थीत क्लबविरुद्ध क्याम्प नाउमा उनले सुपर ह्याट्रिक गरेका थिए । जुन कुराले गनर्स समर्थकको मन अहिले पनि कटकट खान्छ ।