म्यानचेस्टर (एजेन्सी) – म्यानचेस्टर युनााइटेडका मुख्य प्रशिक्षक जोसे माउरिन्होको भावुकता झुटो नभएको युनाइटेडका स्ट्राइकर रोमेलु लुकाकुले बताएका छन् । अगस्टमा ओल्ड ट्राफोर्डमा टोटनह्यासँग भएको खेलमा ३–० ले पराजित हुँदा उनले मिडियाको सामना गर्दा आक्रामक रुपमा प्रस्तुत भएका थिए ।

स्ट्राइकर लुकाकुले इंग्लिस प्रिमियर लिगमा अन्य प्रशिक्षकहरु जस्तो झुटो पीडा मोउरिन्होको नभएको बताए । लुकाकुले भने, ‘उहाँ यस्तो व्यक्ति हुन जसले नयाँ खेलाडीहरुलाई मैदान भित्र्याउछन् र पुराना खेलाडीलाई राम्रो बनाउछन् । त्यसैले उनलाई सम्मान चाहिन्छ । किनकि, उनलाई सम्मान दिनु हाम्रो कर्तव्य हो । तर, सधै उनले जित्नुपर्छ भन्ने सबैको सोच हुन्छ ।’

बेल्जियमका फरवार्ड लुकाकुले थपे, ‘मलाई अचम्म लाग्छ की किन अरु उनको वास्तविकतालाई मन पराउदैनन्। जब उनी ममाथि पागल हुन्छन् त मलाई थाहा छ उनी मेरा लागि पागल छन् भनेर । म जे चाहन्छु त्यो गर्ने कोसिस गर्द छु । ताकी उनी खुसी हुन् ।’ प्रिमियर लिग अन्तर्गत दुई साता अघि टोटेनहम र युनाइटेडबीचको खेलअघि माउरिन्होले मिडियासामु आफुलाई सम्मान दिनुपर्ने भन्दै रिसाएका थिए ।

रोमेलु लुकाकु – म्यानचेस्टर युनाइटेड

यस्तै लुकाकुले वास्तविकता नलुकाउने मोउरिन्होको बानी आफूलाई मन पर्ने बताए । ‘मलाई उनको एक कुरा मन पर्छ, उनले कहिल्लै झुटो पीडा देखाउदैनन् । जब उहाँ रिसाउँछन्, उहाँ रिसाएको देखिन्छ । जब उहाँ हसिलो हुन्छन् सबैले उनलाई हसिलो देख्न सक्छन् ।’ लुकाकुले भने, ‘मलाई थाहाँ छैन मान्छेहरु किन मन पराउदैनन् उनको वास्तविकता ।’