साफ यू-१५ च्याम्पियनसिपको समूह ड्र सार्वजनिक

काठमाडौं (हाम्रो खेलकुद) – नेपालमा यसै अक्टोबर २५ देखि सुरु हुने साफ यू-१५ च्याम्पियनसिपका लागि समूह चरणको ड्र बिहिबार बंगलादेशमा सम्पन्न भएको छ ।

समूह चरणको ड्रका लागि आयोजक नेपाल र डिफेन्डीङ च्याम्पियन भारतलाई फरक समूहमा राखिएको थियो । समूह ‘ए’ मा नेपालसँगै बंगलादेश, माल्दिभ्स र पाकिस्तान रहेका छन् । अर्को समूहमा भारत, भुटान र श्रीलंका छन् ।

पछिल्लो पटक पनि यो प्रतियोगिता नेपालमा आयोजना भएको थियो । गतवर्ष आयोजित प्रतियोगितामा नेपाललाई हराउँदै भारतले उपाधि जितेको थियो । उक्त खेलमा नेपालले पहिलो हाफमा अग्रता लिएपनि दोस्रो हाफमा दुई गोल खाँदै खेल गुमाएको थियो ।

समूह चरण ड्र :

समूह ‘ए’ – नेपाल, बंगलादेश, माल्दिभ्स, पाकिस्तान

समूह ‘बी’ – भारत, भुटान, श्रीलंका