प्रकाश तिमल्सिना
ढाका – ढाकामा जारी साफ च्याम्पियनसिप (साफ सुजुकी कप) को उपाधि जित्ने सम्भावनालाई जीवित राख्ने नेपाली टोलीसँग कम्तिमा ४५ मिनेट समय बाँकी छ । किन की नेपाल बंगबन्धु नेसनल स्टेडियममा जारी माल्दिभ्सविरुद्धको सेमिफाइनलको पहिलो हाफमा १–० ले पछाडि परेको छ । पहिलो पटक फाइनल प्रवेशका लागि अहिले सम्मको नेपालको सेमिफाइनल इतिहासलाई बदल्नु पर्ने हुन्छ ।

यसअघिका तीनै सेमिफाइनलमा नेपालले गोल खाएपछि पुनरागमन गर्न सकेको छैन । यस पटक पनि नेपाल सेमिफाइनलमा पछि परेको छ । नवौं मिनेटमा माल्दिभ्सका कप्तान अक्रम अब्दुल घानीको फ्रि किक गोलमानेपाल पछि परेको थियो ।
यसअघि तीनै सेमिफाइनलमा नेपाल पछि परेको थियो । साफका पछिल्ला दुई सेमिफाइनलमा नेपालले गोल गर्न सकेन सकेको थिएन । त्यसअघि गोल गरेपछि खेलमा फर्कन पर्याप्त थिएन ।

सन् १९९९ को सेमिफाइनलमा नेपाल बंगलादेशसँग २–१ ले पराजित भएको थियो । नेपालले ६२ औं मिनेटमा २ गोल गरेपछि नेपालले ७४ औं मिनेटमा गोल फर्काएको थियो । नेपालका लागि अहिलेका नेपाली टोलीका प्रशिक्षक बाल गोपाल महर्जनले गोल गरेका थिए । त्यसपछि २०११ र २०१३ को सेमिफाइनलमा नेपाल दुवै पटक अफगानिस्तानसँग १–० ले पराजित भएको थियो

सन् २०११ को सेमिफाइनलमा थप समयमा (१११ मिनेट) मिनेटमा गोल खाएको नेपालले २०१३ मा काठमाडौंमा भएको च्याम्पियनसिपमा ११ औं मिनेटमा गोलको सामना गरेको थियो । सेमिफाइनलमा पछि परेको इतिहासलाई बदल्न सकेन भने नेपाल फेरि एकपटक सेमिफाइनलबाट निराश हुनुपर्ने छ ।