एजेन्सी – बार्सिलोनाका स्टार खेलाडी लियोनल मेसी विश्व फुटबलमा सबै भन्दा सफल गोल गर्ने खेलाडी मध्येका एक हुन् । यति मात्र हैन, उनले गोल गर्ने समयमा केही जादुमयी क्षणको निर्माण समेत गरे ।

जस्तोकी गेटाफेविरुद्ध १९ बर्षको उमेरमा उनले जब मध्ये रेखाबाट बल लिदै गोल गरे, तब उनको गोललाई म्याराडोना गोलको संज्ञा दिए । अथवा सन् २०११ को च्याम्पियन्स लिग सेमिफाइनलमा रियल म्याड्रिडविरुद्ध सान्टियागो बर्नबेउमा गरेको उनको दोस्रो गोल नै किन नहोस् । अर्जन्टिनी सुपरस्टारले यति गोल गरे की याड गरेर साध्य छैन । तर, यस्ता चार टिम छन् जसका विरुद्ध मेस्सीले सर्वाधिक गोल गरेका छन् ।

४. एथलेटिक बिलबाओ

एथलेटिक बिलबाओ स्पेनिस लिगको शीर्ष टिम मध्येको एक हो । अहिलेसम्म बार्साका कप्तान मेसीले बिल्बाओविरुद्ध ३० खेल खेलेका छन् । यसक्रममा उनले २४ गोल गरे । बिलबाओविरुद्धको खेलमा उनको नाममा ९ असिस्ट पनि रहेको  छ । उनले सुपर कप दौरान गरेको अविश्वसनीय गोलले पनि आफ्नो स्तर प्रष्ट्याएका छन् ।

३. रियल म्याड्रिड

ला लिगामा रियल म्याड्रिडलाई बार्सिलोनाको सबैभन्दा ठुलो दुश्मन वा प्रतिद्वन्द्वीको रुपमा हेरीन्छ । मेसी जब रियलविरुद्ध मैदानमा उत्रिन्छन् तब रियलका खेलाडीलाई निराशा पारी दिन्छन् । उनले रियलविरुद्ध हालसम्म ३७ खेल खेले । जहाँ उनले दुई ह्याट्रिक सहित २६ गोल र १४ असिस्ट दिए । उनले गरेका २६ गोल मध्ये अधिकांश गोल रियलको घरेलु मैदान सान्टियागो बर्नबेउमा गरेका हुन् ।

२. एटलेटिको मड्रिड

एटलेटिको मड्रिड मेसिका लागि दोस्रो राम्रो टोली हो । एटलेटिकोविरुद्ध मेसीले ३२ खेल खेल्दै २८ गोल गरेका छन्  । घरेलु लिगको कठिन प्रतिद्वन्द्वी एटलेटिकोविरुद्ध मेसी अधिकांश समय हावी हुने गरेका छन् । सामान्यतया एटलेटिकोको डिफेन्स लिगकै उत्कृष्ट रहने भएपनि मेसीविरुद्ध भने खासै राम्रो तथ्यांक छैन ।

१. सेभिल्ला

लियोनल मेस्सी सेभिल्लाका लागि सबै भन्दा घातक साबित भएका छन् । उनले सेभिल्लाविरुद्ध ३२ खेले खेले । ३२ खेल खेलेका मेस्सीले ३१ गोल गरेका छन् । मेस्सीका लागि सेभिल्लाविरुद्ध यो केही पनि हैन । सेभिल्लाविरुद्ध उनीसँग सर्वश्रेष्ठ औसत गोल प्रतिशत छ । उनले सेभिल्लाविरुद्ध यसक्रममा १५ असिस्ट समेत गरेका छन् ।