शेख जमल धनमुन्डी क्लबमा नेपाली टिमको प्रशिक्षण

विवेक सुवेदी

ढाका – साफ सुजुकी कपको सेमिफाइनलमा स्थान बनाइसकेको नेपालले आज प्रशिक्षण गरेको छ । नेपाली टिम आइतबार विश्राममा बस्दै आज शेख जमल धनमुन्डी क्लबमा प्रशिक्षण गरेको हो । नेपाली टिमले आइतबार विश्राममा बस्दै जिम र स्वीमिङमात्रै गरेको थियो ।

आज नेपाली टिमले करिव दुई घन्टा सामान्य अभ्यास गरेको हो । नेपालले बुधबार सेमिफाइनलको पहिलो खेलमा माल्दिभ्ससँग खेल्दैछ । खेल नेपाली समयअनुसार ३ः४५ बजेपछि शुरु हुनेछ । अहिलेसम्म चौथोपटक सेमिफाइनलमा प्रवेश गरेको नेपाल पहिलोपटक फाइनल पुग्ने लक्ष्यमा हुनेछ । यस्तोमा नेपालले सेमिफाइनलमा माल्दिभ्सको चुनौती पन्छाउनुपर्ने हुन्छ । सोही दिन साविकको विजेता भारतले पाकिस्तानको सामना गर्नेछ ।

नेपालले समूह चरणमा पाकिस्तानसँग २–१ ले पराजित भएपनि त्यसपछिको दुई खेलमा उत्कृष्ट प्रदर्शन गर्दै समूह विजेताको रुपमा अन्तिम चारमा पुग्न सफल भएको हो । नेपालले समूह चरणको दोस्रो खेलमा भुटानमाथि ४–० को तथा घरेलु टोली बंगलादेशमाथि २–० को जित निकालेको थियो । फाइनल ३० भदौंमा हुनेछ ।

प्रशिक्षणको फोटो फिचर :