लन्डन (एजेन्सी) – इंग्ल्यान्ड राष्ट्रिय टिमका डिफेन्डर ह्यारी मगाएरले लेस्टर सिटीसँगको नयाँ सम्झौतामा हस्ताक्षर गरेका छन् । उनले सिटीसँग पाँच वर्षे सम्झौतामा हस्ताक्षर गरेका हुन् ।

सन् २०१७ मा हल सिटीबाट लेस्टर आएका २५ बर्षीय मगाएरले २०१८ विश्कपमा इंग्लयान्ड सेमिफाइनल पुग्दा महत्त्वपूर्ण भुमिका खेलेका थिए ।  उनलाई सिजनको सुरुआतमा म्यानचेस्टर युनाइटेडले पनि अनुबन्ध गर्न खोजेको थियो । उनले युनाइटेड जाने सम्भावना नकार्दै लेस्टरसँग लामो समय बिताउने निर्णय लिएका छन् ।

सम्झौतापछि मगाएरले भने, ‘जबबाट म यस क्लबमा आएँ त्यसैबेला देखि लेस्टर नै मेरो लागि उत्तम गन्तव्य हो भन्दै आएको छु ।’ जुन २०१७ मा उनी १७ मिलियन पाउण्डमा हल सिटीबाट लेस्टर सिटी पुगेका थिए । उनले गत सिजन लेस्टरका लागि प्रिमियर लिगका सबै खेल खेले । प्रिमियर लिगका ३८ खेल खेल्दा उनले दुई गोल समेत गरेका थिए ।

यस सिजनका चार खेलमा उनले एक गोल गरेका छन् । साउथह्याम्पटनविरुद्ध २–१ ले जित निकाल्दा उनले एक गोल गरेका थिए । ‘क्लबले मलाई प्रिमियर लिगमा खेल्ने अवसर दियो । जसले गर्दा मलाई विश्वकपमा जाने र आफ्नो प्रदर्शन प्रस्तुत गर्नका लागि अवसर मिल्यो,’ उनले भने, ‘मलाई क्लब प्रति श्रद्धा छ र म भविष्यमा अझै राम्रो प्रदर्शन गर्ने आशा गरिरहेका छु ।’