काठमाडौँ (हाम्रो खेलकुद) – बंगलादेशको ढाकामा जारी साफ च्याम्पियनसिपमा आयोजकलाई २-० ले पराजित गर्दै नेपालले समूह विजेताको रुपमा सेमिफाइनलमा स्थान पक्का गर्यो। साफ च्याम्पियनसिपमा नेपाली टोलीले पर्याप्त तयारी र श्रोतविना पनि राम्रो प्रदर्शन गरेको क्रिकेटर वसन्त रेग्मीले बताए। 

क्रिकेटर वसन्त, तस्बिर : इएस्पीएन क्रिकइन्फो

खेलपछि हाम्रो खेलकुदसँग वसन्तले भने, “मैले नेपाली टोलीको खेल हेरे, नतिजा सकारात्मक आयो। खेलाडीहरुले निकै मेहेनत गरेको देखियो । नेपालमा हामी खेलाडीहरुले आफ्नोतर्फबाट शत प्रतिशत दिन्छौ, बंगलादेशविरुद्ध पनि यस्तै देखियो । “, वसन्तले थपे, “तर हामी खेलाडीहरुले चाहेजस्तै श्रोतमा प्रशिक्षण गर्नभने पाएका छैनौं। चाहे त्यो क्रिकेट होस्, फुटबल होस वा जुनै खेल होस, हामीलाई विशेष प्रशिक्षण र श्रोतको कमि छ।  “

नेपाली खेलकुदमा खेलाडीले अझै राम्रो गर्नसक्ने वसन्तले बताए, “फुटबलमै हेर्ने हो भने केहि समयदेखि लिग भएको छैन। क्रिकेटमा पनि आन्तरिक समस्या छन्। नेपाली खेलाडीले स्वतन्त्र वातावरणमा पर्याप्त श्रोतका साथ् प्रशिक्षण गर्नसके अझ धेरै अगाडी बढ्ने क्षमता बोकेका छौं। “

त्यस्तै वसन्तले फुटबल टोलीलाई सेमिफाइनल र फाइनलकालागि टोलीलाई शुभकामनापनि दिए, “खेलाडीको मुख्य लक्ष्य भनेकै देशका लागि ट्रफी जित्नुहो, सबै खेलाडीहरुलाई मेरो शुभकामना छ “, उनले भने।