दीपेन्द्र पोखरेल

टेक्सास, अमेरिका – साफ च्याम्पियनसिपअन्तर्गत शनिबार विमल घर्तिमगरले बंगलादेशविरुद्ध गोल गर्दै नेपाललाई २-० को जित दिलाउन महत्त्वपूर्ण भूमिका खेले । उनकै गोलमा नेपालले जित्नैपर्ने खेलमा अग्रता लिएको थियो ।

यसअघि समूह चरणकै पहिलो खेलमा पाकिस्तानविरुद्ध पनि विमलले गोल गरेका थिए । २० वर्षीय फरवार्डले राष्ट्रिय टोलीका लागि हालसम्म ८ गोल गरिसकेका छन् । सन् २०१३ को साफ च्याम्पियनसिपमा पाकिस्तानविरुद्ध पहिलो गोल गरेका विमलले त्यसपछि गोल गर्न भने दुई वर्ष कुर्नुपर्यो । पछिल्लो तीन खेलमा दुई गोल गर्दै उनले फेरी उत्कृष्ट लयमा रहेको संकेत दिएका छन् । उनले साफ च्याम्पियनसिपमा मात्र ४ गोल गरिसकेका छन् ।

राष्ट्रिय टोलीका लागि विमलको हालसम्म गरेका आठ गोल :

पहिलो गोल :

पाकिस्तानविरुद्ध (३ सेप्टेम्बर २०१३) – दशरथ रंगशाला, काठमाडौं, नेपाल
साफ च्याम्पियनसिपको समूह चरण खेल

दोस्रो गोल:

भारतविरुद्ध ( २७ डिसेम्बर २०१५) – त्रिवेन्द्र्म रंगशाला, केराला, भारत
साफ च्याम्पियनसिपको समूह चरण खेल

तेस्रो गोल:

श्रीलंकाविरुद्ध ( १३ जनवरी २०१६) – बंगबन्धु रंगशाला, ढाका, बंगलादेश
बंगबंधु गोल्डकपको समूह चरण

चौथो गोल :

ब्रुनाईविरुद्ध ( ८ नोभेम्बर २०१६) – सारावाक रंगशाला, कुचीङ, मलेसिया
सोलिडारिटी कप समूह चरण

पाँचौ गोल:

लाओसविरुद्ध ( १२ नोभेम्बर २०१६) – सारावाक रंगशाला, कुचीङ, मलेसिया
सोलिडारिटी कप सेमिफाइनल

छैटौं गोल:

ताजिकिस्तानविरुद्ध (५ सेप्टेम्बर २०१७) – एन्फा कम्प्लेक्स, सातदोबाटो, नेपाल
एसियन कप छनोट

सातौं गोल:

पाकिस्तानविरुद्ध गोल गरेपछि विमल घर्तीमगर । तस्वीरः विवेक सुवेदी/हाम्रो खेलकुद

पाकिस्तानविरुद्ध (४ सेप्टेम्बर २०१८) – बंगबन्धु रंगशाला, ढाका, बंगलादेश
साफ च्याम्पियनसिप समूह चरण

आठौँ गोल :

बंगलादेशविरुद्ध (८ सेप्टेम्बर २०१८) – बंगबन्धु रंगशाला, ढाका, बंगलादेश
साफ च्याम्पियनसिप समूह चरण