प्रकाश तिमल्सिना
ढाका – साफ सुजुकी कप (साफ च्याम्पियनसिप) अन्तर्गत समूह चरणको दोस्रो अन्तिम खेलमा पाकिस्तान विजयी भएको छ । भुटानलाई ३–० ले हराउँदै पाकिस्तानले सेमिफाइनल पुग्ने सम्भावना बलियो बनाएको छ । समूहका समूहका तीनै खेल हारेपछि भुटान प्रतियोगिताबाट बाहिरिएको छ ।

यो नतिजापछि सेमिफाइनल पुग्नका लागि आजै साँझ हुने बंगलादेशविरुद्ध हुने समूहको अन्तिम खेलमा नेपाललाई जित्नै पर्ने बाध्यता बनेको छ । हार वा बराबरीले नेपाल प्रतियोगिताबाट बाहरिनेछ, त्यो अवस्थामा बंगलादेश र पाकिस्तान सेमिफाइनलमा पुग्नेछन् ।

नेपालले अबको खेल जितेमा नेपाल, बंगलादेश र पाकिस्तानमध्ये गोलअन्तरका आधारमा २ टोली सेमिफाइनल पुग्नेछन् । यद्यपी तीनै टोलीको समान ६ अंक भएमा भुटानविरुद्धको खेलको गोलअन्तर गणना हुने छैन । यस्तो अवस्थामा पनि नेपाल दोस्रो चरण पुग्ने सम्भवना रहनेछ ।

निश्चित जितको विकल्प विना उत्रने तयारीमा रहेको नेपालले अघिल्लो खेलमा भन्दा २ खेलाडी परिवर्तन गरेको छ । विशाल राई र अन्जन विष्टको सट्टा भरत खवास र नीराजन खड्कालाई प्रशिक्षक बालगोपाल महर्जनले पहिलो रोजाइमा राखेका छन् ।

ढाकास्थित बंगबन्धु नेसनल स्टेडियममा शनिबार खेलको २१ औं मिनेटमा मोहम्मद रिजाले पेनाल्टी बक्स भित्रबाट गोल गर्दै पाकिस्तानलाई अग्रता दिलाएका हुन् । २९ औं मिनेटमा हसान बसिरले गोल गर्दै अग्रता दोब्बर पारेका थिए । उनले मोहमद अलीको पासमा उत्कृष्ट फिनिस गरे ।

५ मिनेट इन्जुरी समयको इन्जुरी समयको पहिलो मिनेट अहमद फहिमले तेस्रागोल गरेका थिए । पाकिस्तानले पहिलो खेलमा नेपाललाई २–१ ले हराएको थियो भने बंगलादेशसँगको खेल १–० ले गुमाएको थियो । भुटान नेपालसँग ४–० र बंगलादेशसँग २–० ले पराजित भएको थियो ।