म्याड्रिड (एजेन्सी) –स्पेनिस ला लिगाअन्तर्गत बार्सिलोना र जिरोनाबीचको खेल अमेरिकामा हुने सम्भावना बढेको छ । यसअघि स्पेनिस ला लिगाका खेलहरु अमेरिकामा हुने ९० प्रतिशत सम्भावना रहेकको ला लिगाका प्रमुख जेभियर टेबासले बताएका थिए ।

जनवरीमा बार्सिलोना र जिरोनाबीच जिरोनाको घरेलु मैदानमा हुने खेल अमेरिकामा खेलाइने जेभियरले एक अन्तर्राष्ट्रिय सञ्चार माध्यमसँग कुरा गर्दै भनेका हुन् । उत्तरी अमेरिकामा हुने ला लिगा खेलबाट २ सय मिलियन युरो कामाई हुने समेत उनले बताएका छन् ।

जेभियरले भने, ‘जिरोनाको प्रमुख सेयरदातासँग म्यानचेस्टर सिटीले पछिल्लो महिना अमेरिकी मनोरञ्जन कम्पनी रिलेभेन्टसँग हस्ताक्षर गरेको थियो ।’ हस्ताक्षरमा दुई पक्षबीच १५ वर्षको सम्झौता भएको छ । उक्त सम्झौता अनुसार अमेरिकामा खेल्न क्याटलान पक्षलाई प्रोत्साहन गरिरहेको पनि खुलेको छ । जबकी कुनै पनि टोलीका स्पेनी खेलाडी अमेरिकामा खेल्न मानिरहेका छैनन् ।

‘जिरोना र बार्सिलोनाबीचको खेल संयुक्त राज्य अमेरिकामा हुने ९० प्रतिशत सम्भावना छ ।’ ला लिगा प्रमुख जेभियरले भने, ‘तर सम्झौता एक खेलका लागि मात्र हैन । यो एक ठूलो प्रक्रिया हो ।’ उनले थपे, ‘हामीले एक बोली प्रक्रिया आयोजित गर्यौं र विभिन्न कम्पनिलाई समावेश गरेका थियौ । अमेरिकामा एक खेल खेल्न टिमका लागि कुनै समस्या छैन् । यो एक खेल भन्दा पनि रणनितिक र प्रायोजनका लागि धेरै महत्वपुर्ण छ ।’

जेभियरका अनुसार जिरोना र बार्साबीचको खेल हार्ड रक स्टेडियम फ्लोरिडामा हुने छ । जसको क्षमता ६५ हजार दर्शन अट्ने रहेको छ ।