ढाका (हाम्रो खेलकुद) – साफ च्याम्पियनसिप अन्तर्गत समूह चरणको अन्तिम खेलमा नेपालले आयोजक बंगलादेशको सामना गर्दैछ । पहिलो खेलमा पाकिस्तानसँग पराजयबाट प्रतियोगिताको सुरुआत गरेको नेपाली टोलीले दोस्रो खेलमा भुटानलाई पराजित गर्दै सेमिफाइनलको ढोका खोलेको थियो । उक्त खेल लाइभ कसरी हेर्ने, खेल हुने समय लगायतका सम्पूर्ण जानकारी पाउनुहोस

तस्बिर : विवेक सुवेदी / हाम्रो खेलकुद

खेल : नेपाल विरुद्ध बंगलादेश

खेल हुने स्थान : बंगबंधु रंगशाला

खेल सुरु हुने नेपाली समय : साँझ ६:४५ बजे

प्रत्यक्ष प्रसारण : एपी वन एच डी, डीस होम एक्सन स्पोर्ट्स साथै यप टिभीबाट अनलाइन हेर्नसक्नु हुनेछ ।

तस्बिर : विवेक सुवेदी / हाम्रो खेलकुद

नेपाललाई सेमिफाइनलमा स्थान पक्का गर्न बंगलादेशविरुद्ध जित दर्ता गर्नुपर्ने अवस्था छ । समूहको अर्को खेलमा भुटान र पाकिस्तान पनि भिड्दै छन् । यस खेलको नतिजाले पनि नेपाल सेमिफाइनल पुग्ने समिकरणमा ठूलो भूमिका खेल्नेछ । भुटानले पाकिस्तानलाई पराजित गरेर नेपाल र बंगलादेशको खेल बराबरीमा सकिए नेपाल समूह उपविजेताको रुपमा अगाडी बढ्नेछ । नेपालसामु समूह विजेता बन्दै अगाडी बढ्ने अवसर पनि छ । यसका लागि टोलीले २ गोलको अन्तरले जित दर्ता गर्नुपर्छ अथवा पाकिस्तानले अंक गुमाए स्पष्ट जित दर्ता गरेमात्र पनि पुग्छ ।

समूह चरणमा नेपालका खेलहरु 

नेपाल १-२ पाकिस्तान : सेप्टेम्बर ४

नेपाल ४-० भुटान : सेप्टेम्बर ६

नेपाल विरुद्ध बंगलादेश : सेप्टेम्बर ८