ब्युनोस आएर्स (एजेन्सी) – इंग्लिस प्रिमियर लिगमा व्यवसायिक फुटबल खेल्दै आइरहेका अर्जेन्टिनी गोलरक्षक सर्जिओ रोमेरोले राष्ट्रिय टिमका पूर्व कप्तान लियोनल मेस्सी टिममा उपस्थित नभएको अवस्थामा उनले लगाउँदै आएको जर्सी नं. १० खेलमा प्रयोगमा आउनु पर्ने बताएका छन् । सामान्यतया जर्सी नं. १० टोलीका सर्वश्रेष्ठ आक्रामक खेलाडीले लगाउने जर्सिको रुपमा मानिन्छ ।

वर्तमान अवस्थामा मेस्सीले अनिश्चितकालका लागि अर्जेन्टिनाको प्रतिनिधित्व गर्नबाट विश्राम लिने घोषणा गरेका छन् । त्यसैले उनी संयुक्त राज्य अमेरिकामा हुने गुअटेमाला र कोलम्बियासँगको मैत्रीपूर्ण खेलमा सहभागी छैनन् । म्यानचेस्टर युनाइटेडबाट व्यवसायिक फुटबल खेल्दै आएका गोलरक्षक सर्जिओले भने, ‘१० नम्बरको जर्सीको सधै प्रयोग हुनु पर्छ । मैले बुझ्न सकेको छैनकी जर्सी नं. १० को प्रयोग किन भइराखेको छैन् । मैले सोधेको त छैन् । मलाई थाहा थिएन कि जर्सि नं. १० को प्रयोग भइरहेको छैन् ।’ उनले थपे, ‘सबै साथीमा यो सधै उपलब्ध रहदै आएको छ । अब कुन कारणले जर्सि नं. १० को प्रयोग भइरहेको छैन् । मलाई अहिले थाहा भयो ।’

मेस्सी विश्वकपभन्दा पहिले पूर्णरुपमा दबाबमा थिए र रुस विश्वकपमा शीर्ष १६ बाट बाहिरिएपछि उनले राष्ट्रिय टिमसँग आफ्नो भविष्यबारे गर्न टिप्पणी अस्विकार गर्दै आएका छन् । सर्जिओले भने, ‘यदि मेस्सी टिममा फर्किनन्छन् भने जर्सि नं. १० र टिमको नेतृत्व उनैले गर्ने छन् । किनकी उनी टिममा फर्किन्छन् भने यसको प्रयोग उनी बाहेक अरु कसैले गर्न सक्दैनन् । हामीलाई पहिले देखिनै थाहा छ की मेस्सी टिममा छन् भने जर्सि नं. १० उनैको हुने छ , यसको कुनै समस्या छैन ।’

गोलरक्षक सर्जियोले चोटका कारण रुस विश्वकप गुमाएका थिए । यस मैत्रीपूर्ण खेलमा सर्जियोले मेस्सी उपस्थित हुने आशा राखेका थिए । प्रशिक्षक लियोनल स्कालोनीले पनि यसबारे खुलेर बोल्न चाहेनन् । उनले भने, ‘हामीले मेस्सीसँग कुरा गर्यौं । हेरौं अर्को अन्तर्राष्ट्रिय ब्रेकमा उनी फिर्ता आउने छन् या छैनन् । तर त्यो विषयमा अहिले थप कुरा गर्नु कुनै कारण छैन् ।’