बार्सिलोना (एजेन्सी) – स्पेनिस डिफेन्सीभ मिडफिल्डर सर्जिओ बुस्केट्सले बार्सिनोनामा यसै महिनाको अन्त्यसम्म नयाँ सम्झौतामा हस्तारक्षर गर्ने भएका छन् । ३० बर्षीय बुस्केट्सको हाल २०२१ सम्मका लागि बार्सामा सम्झौता रहेको छ ।

अहिलेको सम्झौतामा बुस्केट्समाथि १ सय ८० मिलियन पाउणन्डको रिलिज क्लजको प्रावधान रहेको थियो । तर, यस नयाँ सम्झौतामा उनको रिलिज क्लजसँगै तलबमा समेत वृद्धि गरिने छ । क्लबमा अनुबन्ध गर्दा निर्धारण गरेको शुल्कमा थप गरि नयाँ सम्झौता अनुसार उनको रिलिज क्लज ४ सय ५० मलियन पाउन्ड पुग्ने बताइएको छ ।

नयाँ सम्झौता अनुसार बुस्केट्स बार्सिलोनामा २०२३ सम्मका लागि अनुबन्ध हुने छन् । मुन्डो डिपोर्टोका अनुसार उनका एजेन्ट जोसेप मारिया आरोबिटले बार्सिलोनासँग आउने केहि हप्तामा नयाँ सम्झौताको बरेमा घोषणा हुने बताइएको छ । बुस्केट्स क्याम्प नाउमा युवा अवस्थामा नै आबद्द भएका थिए । सबै खाले प्रतियोगिता गरी उनले बार्सिलोनाका लागि ५०७ खेल खेलेका छन् । उनी क्लबमा रहेका सिनियर खेलाडीमा पर्छन् ।

राष्ट्रिय टोलीबाट पनि बुस्केट्सले निकै उपाधि जितेका छन् । उनले सन् २०१० को विश्वकप जित्दा टोलीमा महत्त्वपूर्ण भूमिका निर्वाह गरेका थिए । आधुनिक बार्सिलोनाको मुख्य हतियार बनेका उनले सन् २०१० ताका बार्सिलोनाले युरोपमा तहल्का मच्चाउँदा जाभी हर्नान्डेज र आन्द्रेस इनिएस्टासँग मिलेर मिडफिल्डमा जादुमयी प्रदर्शन गरेका थिए ।