प्रकाश तिमल्सिना
ढाका – नेपालले साफ सुजुकी कप (साफ च्याम्पियननसिप) मा बिहीबार भुटानविरुद्ध खेलको दोस्रो हाफमा ३–० को अग्रता लिएको छ । अनन्त तामाङको गोलबाट अग्रता लिएको नेपालका लागि दोस्रो गोल सुनिल बलले गरेका छन् । ७० औं मिनेटमा सुनिलले गोलअन्तरलाई दोब्बर पारेका थिए । ७९ औं मिनेटमा भरतले ३-० बनाए ।  

भुटानविरुद्ध गोल गरेपछि सुनिल बल । तस्बिर: विवेक सुवेदी /हाम्रो खेलकुद

परिवर्तित नीराजन खड्कालाई निमा वाङ्दीले पेनाल्टी बक्समा फाउल गरेपछि नेपालले पेनाल्टी पाएको थियो । विमल घर्तिमगरको पेनाल्टीलाई छिरिङ डेन्डुपले रोकेपछि त्यहि रिबाउन्डमा सुनिलले गोल गरेका थिए । राष्ट्रिय टोलीका लागि सुनिललको यो पहिलो गोल हो । आफ्नो तेस्रो खेलमा सुनिल गोल गर्न सफल भएका थिए । निमाले दोहोरो पहेलो कार्डपछि रातो कार्ड पाउँदै मैदान बाहिरिएपछि भुटान १० खेलाडी समिति भएको छ । लगत्तै वैकल्पिक खेलाडी भरतले सुन्दर फिनिस गर्दै नेपाललाई ३-० ले अगाडी बढाए ।

नीराजनलाई फाउल गर्ने निमाले त्यसअघि पनि पहेलो कार्डको त्यसअघि अनन्त तामाङको गोलबाट नेपालले २१ औं मिनेटमा अग्रता लिएको थियो । सुनिल बलको कर्नरमा अनन्तले सिक्स याडबक्सको लाइनबाट हेड गोल गरेका थिए । राष्ट्रिय टोलीका लागि अनन्तको यो दोस्रो गोल हो । उनले एएफसी सोलिडारिटी कपमा लाउसविरुद्ध २–२ को बराबरीमा १ गोल गरेका थिए ।

भुटानविरुद्ध गोल गरेपछि अनन्त तामाङ । तस्बिर: विवेक सुवेदी /हाम्रो खेलकुद

पहिलो खेलमा नेपाल पाकिस्तानसँग २–१ ले पराजित भएको थियो भने भुटानले आयोजक बंगलादेशसँग २–० को हार बेहोरेको थियो । नेपालले शनिबार समूह चरणको अन्तिम खेलमा नेपालले बंगलादेशको सामना गर्देछ । पाकिस्तानसँगको खेल भन्दा मुख्य प्रशिक्षक बालगोपाल महर्जनले नियमित कप्तान विराज महर्जनसहित ३ खेलाडी परिवर्तन गरेका थिए । जसमा फरवार्डद्वय नवयुग श्रेष्ठ र भरत खवास रहेका छन् ।

दीनेश राजवंशी, विशाल राई र सुनिल बल आज पहिलो राजाइमा परेका थिए । राइट विङ्सबाट खेलका सुनिल भुटानविरुद्ध प्रभावकारी देखिएका छन् ।