एजेन्सी – पछिल्लो केहि वर्षमायता अमेरिकन र चाइनिज फुटबलको द्रुत विकास स्वागतयोग्य रहेको छ । धेरै खेलाडीहरुले विशेष गरी आफ्नो करिअरको अन्तिम समयमा युरोप छाडेर चिन र अमेरकाको लिगबाट धेरै कमाई गरी रहेका छन् ।

संयुक्त राज्य अमेरिका फुटबलरहरुलाई आफ्नो करियरको अन्त्यतर्फ खेल्ने उपयुक्त लिग थियो । डेभिड बेकह्याम पहिलो नाम चलेका खेलाडी थिए जसले रियल छाडेर अमेरिकन क्लबमा आबद्ध भए । पछिल्लो केहि वर्षमा भने फ्रान्क लाम्पार्ड, थिएरी हेनरी र डेभिड भिल्लाजस्ता खेलाडीहरुले युरोप छाड्ने निर्णय लिए । चिनका लिगमा प्राप्त हुने रकमले गर्दा समेत धेरै खेलाडीहरुको ध्यान त्यसतर्फ केन्द्रित हुन थालेको छ ।

यी हुन् ५ त्यस्ता खेलाडी जसले युरोप छाडेर खेलिरहेका छन्  :

१) यान्निक करास्को, बेल्जियम

युरोपको लिग छाडेर चिनतर्फ प्रस्थान गर्ने हालसालैका खेलाडीमा करास्को समेत पर्छन् । बेल्जियमका करास्कोले फ्रान्सको मोनाको र स्पेनको एटलेटिको म्याड्रिडबाट राम्रो समय बिताएका थिए । उनले मोनाकोबाट ३ सिजन व्यवसायिक फुटबल खेले । च्याम्पियन्स लिगमा मोनाकोले आर्सेनललाई ३-१ गोल अन्तरले हराउंदै प्रख्यात जित प्राप्त गर्दा सो खेलमा करास्कोले समेत गोल गरेका थिए । आफ्नो यी सबै प्रदर्शनको बलमा उनलाई एटलेटिकोले २२ मिलियन युरो चुकाएर टोलीमा भित्र्यायो । तर एटलेटिकोमा समेत राम्रो प्रदर्शन रहंदा रहँदै उनले चाइनाको डालियान यिफांगमा जाने निर्णय लिए ।

२) सेबास्टियन जियोभिन्को, इटाली

सेबास्टियनको फुटबल करियर सुरुआत नै फरक किसिमको रहेको छ। युभेन्ट्सको युवा टोलीबाट माथि आएका उनले धेरै राम्रो प्रदर्शन गरेपनि गोल गर्न संधै चुके । ९२ सिरी ए खेलमा उनको नाममा १२ गोल मात्र रहेको छ । सन् २०१५ मा उनी अमेरिकी लिगको टोरन्टो एफसीमा गए र अहिलेसम्म लिग खेलेका उत्कृष्ट  खेलाडी मध्येका एक बन्न सफल भैसकेका छन् । सो लिगमा उनको नाममा १०८ खेलमा ६५ गोल रहेको छ ।

३) ओस्कार, ब्राजिल

पछिल्लो समयमा युरोपियन फुटबल छाडेर चाइना जाने ठूलो नाम मध्येको एक हो ओस्कर । सन् २०१२ मा चेल्सीले पहिलो पटक च्याम्पियन्स लिग जितेपछि ओस्कर टोलीको सदस्य बनेका थिए । चेल्सीसंगको ४ बर्षभन्दा धेरैको बसाइमा उनले २०० भन्दा धेरै खेलमा ३८ गोल गरेका छन् । सन् २०१७ को जनवरीमा उनी ६० मिलियन युरोमा सांघाई एसआईपिजी मा गएका थिए ।

४) एलेक्स टेइक्जेरिया, ब्राजिल

एलेक्सले २०१५/१६ को सिजनको सुरवातमा १५ खेलमा २२ गोल गर्दै शाख्तार डोनेस्कमा आफ्नो छाप छाडेका थिए । तर ट्रान्सफर विन्डोको समय सकिएपनि कुनै टोलीले उनलाई नलिएपछि चाइनाको जियांग्सु सनिंगमा ४५ मिलियन युरोको सम्झौता गर्दै उनी युरोप छाड्न बाध्य भए । च्याम्पियन्स लिगमा पनि राम्रो खेलेका उनले त्यसबेला युरोपका ठूला क्लबका प्रस्ताव अस्विकार गरेका थिए ।

५) आन्द्रे इनीएस्टा, स्पेन

३४ बर्षीय इनीएस्टाले चांडै युरोपियन फुटबल छाडेभन्न उपयुक्त नसुनिए पनि उनी यसै जापानमा फुटबल खेल्ने स्थितिमा पुगेका होइनन् । उनी मिडफिल्डमा खेललाई अगाडी बढाउने सक्ने प्राकृतिक रुपमा सबल खेलाडी हुन् ।  उनको त्यहि कलाले नै बार्सिलोनालाई वर्षौं सहयोग पुर्याएको थियो । इनीएस्टा जापानी क्लबमा जानुको अर्को कारण के पनि हो भने उनले युरोपको अरु कुनै क्लबमा बसेर बार्सिलोना विरुद्ध खेल्न चाहेनन् ।