मिलान (एजेन्सी) – इटालियन क्लब इन्टर मिलानमाथि लगाएको रियल म्याड्रिडको आरोपमाथि कारवाही नहुने फिफाले बताएको छ । क्रोएसियन मिडफिल्डर लुका मोड्रिचलाई अनुबन्ध गर्न अवैध दृष्टिकोण लगाएको भन्दै रियलले आरोप लगाएको थियो ।

सन् २०१२ मा टोटनह्यामबाट रियल अनुबन्ध भएका मोड्रिचले रुस विश्वकपमा क्रोएसियाको नेतृत्व गर्दै फाइनल सम्म पुर्याउन महत्वपुर्ण योगदान दिएका थिए । सोही रुस विश्वकपको प्रदर्शन पछि उनी इटालियन क्लब मिलानको नजरमा परेको थिए । अगस्टको सुरुवाती समयमा मिलानले मोड्रिचको एजेन्टसँग उनको प्रस्थानका लागि कुरा अघि सारेको खुलेको थियो । यसै बिषयलाई लिएर रियलले मिलानमाथी आरोप लगाउदै फिफामा उजुरी गरेका थिए । फिफाको अनुसन्धान पछि उक्त आरोप खारेज गरेका छन् ।

फिफा स्थानान्तरण नियमका अनुसार कुनै पनि क्लब अर्को क्लबको अनुमति विना खेलाडीसँग सम्पर्क गर्न सक्छ । तर त्यसका लागि खेलाडी अनुबन्धनमा अन्तिम छ महिना बाँकी रहेको हुनुपर्छ । ३२ बर्षीय मोड्रिचले २०१६ मा रियलसँग चार बर्षको सम्झौता नविकरण गरेका थिए । फिफा प्रवक्ताले भने, ‘यस बिषयको प्रारम्भिक जाँच पछि हामी पुष्टि गर्न सक्छौ की सबुतका आधारमा कुनै कारवाही हुने छैन् । यो सम्बन्धित क्लबहरुलाई सुशुचित गरिएको हो ।’

अगस्टमा मिलानसँग जोडिएको उनको विषयलाई लिएर म्याड्रिड अध्यक्ष फ्लोरेन्टिनो पेरेजले मिडफिल्डर मोड्रिचलाई बेच्ने एक मात्र तरिका भएको बताएका थिए । जुन उनलाई अनुबन्ध गर्न चाहेमा क्लबले ७५० मिलियन युरो तिर्नु पर्ने छ ।