म्याड्रिड (एजेन्सी) – स्पेनिस राष्ट्रिय टोली एवं रियल म्याड्रिडका कप्तान सर्जियो रामोसले गत सिजन क्रिस्टियानो रोनाल्डोभन्दा लुका मोड्रीचले राम्रो प्रदर्शन गरेका कारण क्रोएसियाका मिडफिल्डर नै उपाधि हकदार भएको बताएका छन् ।

गत साता फ्रान्सको मोनाकोमा भएको यूईएफए अवार्ड समारोहबाट लुका मोड्रीचले उत्कृष्ट पुरुष खेलाडीको उपाधि जित्दै घर फर्किए । रियल म्याड्रिडले पछिल्लो सिजन च्याम्पियन्स लिग जित्दा मोड्रीचको भूमिका महत्वपूर्ण थियो । मोड्रीचकै कप्तानीमा विश्वकप फुटबलको फाइनलमा फ्रान्ससंग ४-२ को हार बेहोरेको क्रोएसियालाई त्यस ठाउँसम्म पुर्याउन मोड्रीच नायक बनेका थिए ।

रोनाल्डोले च्याम्पियन्स लिगमा उत्कृष्ट लयलाई गत सिजन समेत कायम राखेका थिए । उनी भने मोड्रीचले युईएफए अवार्ड जितेकोमा खुसी थिएनन् । त्यसैकारण समेत उनी अवार्ड समारोहमा समेत उपस्थित भएनन् । यसैबीच रियल म्याड्रिडका कप्तान सर्जियो रामोसले भने रोनाल्डो मोड्रीचले अवार्ड जितेकोमा भन्दा आफुले नाजितेकोमा दुखि रहेको बताएका छन् । उनले भने, “मलाई लाग्दैन कि मोड्रीचले अवार्ड जितेकोमा रोनाल्डो दुखि छन् । उनी आफुले नाजितेकोमा दुखि भएको हुन सक्छन् ।’

रामोसले थपे, ‘मेरो बिचारमा सो अवार्ड कसैले पाउनु पर्छ त्यो मोड्रीच नै हो । उनी गत सिजनको उत्कृष्ट खेलाडी थिए । ‘ रोनाल्डोभने आफ्नो नयाँ टोलि युभेन्ट्ससंग इटालीमा रहेका छन् । घरेलु लिगमा गोलको खाता खोल्न नसकेका रोनाल्डो च्याम्पियन्स लिगमा आफ्नो लय कायम राख्ने लक्ष्यमा छन् ।