म्याड्रिड (एजेन्सी) – स्पेन राष्ट्रिय टिमका फरवार्ड डिएगो कोस्टाले राष्ट्रिय टिमबाट नखेल्ने भएका छन् । उनले आफ्नो व्यक्तीगत कारण देखाउदै युइएफए नेश्नल लिग नखेल्ने घोषणा गरेका हुन् ।

स्पेनले युइएफए नेश्नल लिगमा इंग्लयान्ड र क्रोएसियासँग खेल्दै छ । समूह ए चारमा रहेको स्पेनले शनिबार बेम्बलीमा इंग्लयान्डको सामना गर्ने छ । एटलेटिको मड्रिडका २९ बर्षीय स्ट्राइकरको स्थानमा ३१ बर्षीय सेल्टा भिगोका स्ट्राइगर इयागो आस्पास टोलीमा परेका छन् । कोस्टाले यसअघि ब्राजिलको राष्ट्रिय टोलीको जर्सी पनि लगाएका थिए । उनले ब्राजिलको टोलीमा रहेर खेल्न नपाएपछि स्पेन रोजेका थिए ।

स्पेन लुइस एनरिकेको प्रशिक्षणमा पहिलो अन्तराष्ट्रिय खेल खेल्दै छ । उनले आफ्नो पहिलो टोलीको घोषणा शुक्रबार सार्वजनिक गरे । एनरिकेले बार्साका खेलाडी जोर्डी अल्बा, एटलेटिकोका कोकेलगायत आन्द्रे इनिस्टा, डेविड सिल्भा र जिरार्ड पिकेलाई टोलीमा समावेश गरेका छैनन् । उनीहरु रुस विश्वकपमा स्पेन शीर्ष १६ बाट बाहिरिदा टोलीमा परेका थिए ।

यसपटक चार जना चेल्सी खेलाडी पनि टोलीमा समावेश भएका छन् । मार्कोस अलान्सो, अल्भारो मोराटो, सेसर एज्पीलिक्वेटा र केपा अरिजबालागा समावेश भएका हुन् । रियल बेटिसका गोलकिपर पाउ लोपेज, भयलेन्सियाका फुल–ब्याक जोसे गाया र रियल मड्रिडका मिडफिल्डर डेन कबेलोस डेब्युको प्रतिक्षामा रहेका छन् ।