बार्सिलोना (एजेन्सी) – बार्सिलोनाका स्टार तथा कप्तान लियोनल मेस्सीले स्पेनीस ला लिगको इतिहासमा एक नयाँ रेकर्ड बनाएका छन् । उनले ला लिगाको इतिहासमा १५० असिस्ट गर्ने एक मात्र व्यक्ती बन्दै नयाँ रेकर्ड बनाएका हुन् ।

मेसीले आफ्नो कीर्तिमानीको लामो सुचिमा अर्को नयाँ कीर्तिमान थपेका हुन् । डिफेन्डिङ च्याम्पियन बार्सिलोनाले आइतबार आफ्नै घरेलु मैदानमा नयाँ टोली हुएस्कालाई ८–२ ले पराजित गरेको थियो । मेस्सीले आफ्नो टिमको सानदार जितका लागि टिमको नेतृत्वसँगै दुई गोल र दुई असिस्ट गरे । यससँगै शीर्ष प्रतिद्वन्द्वी रियल म्याड्रिडलाई आफ्नो टिम उत्कृष्ट रहेको सचेत गराएका छन् । पछिल्लो सिजनभन्दा यसपटक बार्सा उत्कृष्ट प्रदर्शन गर्ने धुनमा छ ।

मेसीसँगै हुएस्काविरुद्ध लुइस सुआरेज, इभान राकिटिक, ओस्माने डेम्बले र जोर्डी अल्बाले पनि गोलको योगदान दिएका थिए । मेसीले खेलको अन्तिम समयमा पेनाल्टी सुआरेजलाई दिएका थिए । शनिबार रियलले लिगानेसलाई ४–१ ले पराजित गरेको थियो । बार्साका लागि रियल सोसिडाडसागको अबको खेल एक चुनौतीपूर्ण हुनसक्ने अनुमान गरिएको छ । किनकी बार्साले सोसिडाडको मैदान एनोइटामा पछिल्ले केही बर्ष निकैनै संघर्ष गर्नुपरेको छ । तर,मेसीको नेतृत्वमा लय समातेको बार्सिलोना अपराजित यात्रा तय गर्ने सुरमा देखिन्छ ।