नेपाल १ -२ पाकिस्तान

नेपालको सुरुआती ११ :

किरण चेम्जोङ, अनन्त तामाङ, आदित्य चौधरी, विराज महर्जन (कप्तान), सुमन अर्याल, रोहित चन्द, सुजल श्रेष्ठ, विमल घर्तिमगर, भरत खवास, नवयुग श्रेष्ठ, अन्जन विष्ट

ढाकास्थित बंगबन्धु राष्ट्रिय रंगशालाबाट प्रकाश तिमल्सिना

नेपाली टिमले अहिले वार्मअप  गरिरहेका छन् ।

यो त्यही स्टेडियम हो । जहाँ नेपालले १९९३ मा दक्षिण एसियाली खेलकुद (साफ) मा स्वर्णपदक जितेको थियो ।

जहाँ नेपालले भारतलाई पराजित गर्दै स्वर्ण जितेको थियो ।

नेपाली टिमका कार्यवहाक प्रशिक्षक बालगोपाल महर्जन बंगलादेशमा निक्कै भाग्यमानी छन् ।

काठमाडौंमा नेपाली यु–१९ टिमलाई च्याम्पियन बनाएको बालगोपालकै प्रशिक्षणमा नेपालले बंगबन्धु गोल्ड कप जितेको थियो ।

प्रशिक्षकको रुपमा पनि निकै सफल छन् ।

उनको प्रशिक्षणमा नेपालले तीन खेल खेल्दा कुनै पनि खेल गुमाएको छैन ।

बाल गोपालको प्रशिक्षणमा नेपालले दुई खेलमा जित र एक बराबरी खेलेको छ ।

नेपालले श्रीलंकामाथि १–० को जित निकालेको थियो । बंगलादेशसँग गोलरहित बराबरी खेलेको थियो । माल्दिभ्समाथि ४–१ को जित निकाल्दा नवयुग श्रेष्ठले ह्याट्रिक गरेका थिए ।

पाकिस्तान भने ४ वर्षपछि खेलमा फर्किएको हो ।

खेल सुरु हुन लागेको छ ।

अहिले नेपालको राष्ट्रिय धुन बजिरहेको छ । नेपालको राष्ट्रिय धुन सकिएको छ ।

अहिले पाकिस्तानको राष्ट्रिय धुन बजेको छ । पाकिस्तानको राष्ट्रिय धुन  सकिएको छ  ।

खेल सुरु भएको छ  ।

खेल सुरु संगै बंगबन्धु रंगशालामा वर्षा पनि सुरु भएको छ  ।

१ मिनेट: नेपालले मुभ बनाउने प्रयास गरि रहेको छ ।

२  मिनेट: सुरुदेखि नेपाल हावी बनेको छ ।

खेलको पाचौ मिनेट चलिरहेको छ । कुनै पनि राम्रो  मुभ भएको छैन   ।

नवौ मिनेट चलिरहदा कुनै मुभ निस्केको छैन  ।

दर्शकको न्यून उपस्थिति रहेको छ  ।

पाकिस्तानी खेलाडी मैदानमा लडेका छन्  ।

१३  औ मिनेटमा बिमलको क्रसमा नवयुगको हेड बाहिरिएको छ ।

१५ औ मिनेटको खेल चलिरहेको छ  ।

नेपालले पाँच वर्षपछि पकिस्तानसंग खेलेको हो   । २०१३ मा १-१ गोलको बराबरी  खेलेको थियो  ।

२०औ मिनेट सकिएको छ । कुनै टिमले गोल गर्न सकेको छैन । खेलमा नेपालले पकड बनाएको छ ।

२५ औ मिनेटमा विराजको क्रस गोलकिपरको हातमा छ ।

३०औ मिनेटको  खेल सकिएको छ। कुनैपनि टिमले  राम्रो मुभ बनाउन सकेको छैन । खेल भने नेपालकै पक्षमा छ ।

३०औ मिनेटमा नवयुगको फितलो प्रहार पोस्टबाट निकै माथि

३४औ मिनेटमा पाकिस्तानले पेनाल्टी पाएको छ ।

३६औ मिनेटमा गोल । नेपाल १-० ले पछि

कप्तान बिराजले मोहमद रियाजलाई फल गरेपछि पाकिस्तानले पेनाल्टी पाएको हो । जसमा हसन विड बसिरले गोल गरे ।

३९ औ मिनेटमा सुमन अर्याल कर्नरमा प्राप्त  बलमा थोरैले चुके ।

पहिलो हाफ सकिन २ मिनेट बाकी छ । नेपाल १–० ले पछि परेको छ ।

तीन मिनेट समय थप गरिएको छ । नेपाल १–० ले पछि छ ।

इन्जुरी समयमा विमलको क्रस सदुपयोग हुन सकेन ।
पहिलो हाफ सकिएको छ । नेपाल १–० ले पछि परेको छ ।

दोश्रो हाफ सुरु भएको छ ।

४९औ मिनेटमा अनन्तको प्रहारले गोलको दिशा लिन सकेन ।

५५औ मिनेट नेपालको आक्रमक खेल । तर, गोल गर्न असफल

६०औ  मिनेट समाप्त । नेपाल १-० ले पछि

६५औ  मिनेट नेपाल १-० ले पछि

६७औ मिनेटमा खेलाडी परिबर्तन नवयुग श्रेष्ठको स्थानमा निराजन खड्का मैदान प्रवेश ।

७०औ मिनेट समाप्त । नेपाल १-० ले पछि ।

७३औ मिनेटमा खेलाडी परिबर्तन भरत खवासको स्थानमा सुनिल बल  मैदान प्रवेश ।

७५औं मिनेट वान भर्सेस वानमा पाकिस्तानी खेलाडीको प्रहार बारमा ।

खेल सकिन १० मिनेट बाकी । नेपाली १–० ले पछि । नेपालको निरन्तर प्रयास तर, पाकिस्तानी डिफेन्स चिर्न असफल

नेपाल ८२ औं बराबरी गोल गर्न सफल । नेपालका लागि विमल घर्तीमगरको गोल
खेल १–१

खेल सकिन दुई मिनेट बाँकी नेपाल १ पाकिस्तान १

८८औं मिनेट गोलरक्षक किरणले विपक्षीको प्रहारलाई सहजै आफ्नो पन्जामा पार्न सफल ।

८९औं मिनेट सुजलको शक्तिशाली प्रहार गोलरक्षकले मुस्किलले बचायो ।

पाँच मिनेट समय थपिएको छ ।

९०+५ मिनेट नेपालले गोल खाएको छ ।

पाकिस्तानका मोहमद अलिले हेड गोल गरे ।

खेल सकिएको छ । नेपाल पाकिस्तानसँग २–१  ले पराजित भएको छ ।
आजै समूह ‘ए’ मा बंगलादेश र भुटानले खेल्नेछ ।