पेरिस (एजेन्सी)– पेरिस सेन्ट जर्मेन (पिएसजी) का प्रशिक्षक थोमस टुचेलले विश्व कप विजेता फ्रान्स र पिएसजीका फरवार्ड केलियन एमबाप्पे अनुपम र अविश्वसनिय क्षमतावान खेलाडी भएको बताएका छन् । एमबाप्पलेले यो सिजन लिगका २ खेलमा ३ गोल गरिसकेका छन् ।

रसिया विश्व कपमा फ्रान्सलाई विश्व कप जिताउन महत्वपूर्ण योगदान गने मध्येका एक एमबाप्पे विश्व कपको युवा खेलाडी घोषित भएका थिए । गत सिजन सबै प्रतिस्पर्धामा गरेर २१ गोल गरेका एमबाप्पेले यो सिजनमा पनि त्यसलाई निरन्तरता दिने संकेत गरिसकेका छन् ।

एमबाप्पले अविश्वनसिय क्षमता भएको खेलाडी मात्र होइनन्, सकारात्मक व्यक्ति पनि हुन् । मैले उनलाई बुझ्न थालेको केहि साता मात्र भयो, बरुसिया डर्टमन्डका पूर्व प्रशिक्षक टुचेलले भने, म भन्न सक्छु उनी गोल गर्न र खेल जित्नका भोका छन् । प्रशिक्षणमा पनि उनी निकै प्रतिस्पर्धात्मक छन् । उनको खेल कौशलले अन्य खेलाडीको पनि मनोबल बढाउछ र खेलमा सुधार गर्न मद्दत मिल्छ ।

एमबाप्पेको बारेमा वर्णन गर्न सहज नहुने टुचेलले बताए । केहि चिज यस्तो छ जसले उनलाई अनुपम बनाएको छ । यो खुसीको कुरा हो उनी हाम्रो टिमबाट खेल्छन्, उनले थपे, मलाई उनका छविसँग खासै आपत्ति पर्दैन । उनी एउटा त्यस्ता युवा हुन्, जसको अनुहारमा मुस्कान रहन्छन् । उनी हाम्रो टोलीका महत्वपूर्ण अंग हुन् । फ्रान्सका हरेक रंगशालमा उनलाई समर्थकले स्वागत गर्छन् ।