काठमाडौं (हाम्रो खेलकुद) – दक्षिण एसियाली राष्ट्रबीच फुटबलमा हुने सबैभन्दा प्रतिष्ठित साफ च्याम्पियनसिप बंगलादेशमा सुरु हुन अब ५ दिन मात्रै बाँकी छ । अहिले सम्म सेमिफाइलभन्दा अघि बढ्न नसकेको नेपालले यसपटक फाइनल पुग्ने लक्ष्य बनाएको छ ।
नेपाल टोलीले इन्डोनेसियामा जारी एसियाली खेलकुद र साफ च्याम्पियनसिपको लागि तीन महिना अघिबाटै प्रशिक्षण सुरु गरेको थियो । यू २३ टोली एसियाडमा तीन खेल गुमाएर फर्केयता प्रशिक्षण गरिरहेको छ । मुख्य प्रशिक्षक जापानिज ग्योतोकु कोजी भिसा समस्याका कारण नेपाल आउन नपाएपछि अखिल नेपाल फुटबल संघ (एन्फा) ले यसअघि प्रशिक्षक रहेका बालगोपाल महर्जनलाई कार्यवहाक मुख्य प्रशिक्षकमा नियुक्त गरेको छ । उनलाई प्रशिक्षणमा किरण श्रेष्ठ र नवीन महर्जनले सहायकको रुपमा साथ दिइरहेका छन् ।
सन् १९९३ मा सार्क गोल्डकपका नामले शुरु भएको यो प्रतियोगिता १९९७ मा नेपालमा आयोजना भएपछि साफ च्याम्पियनसिप बन्न पुगेको थियो । त्यसयता यो प्रतियोगिता सार्क कोकाकोला गोल्डकप हुदै साफ सुजुकी कपको नामले पनि चिनिन्छ ।

पहिलो सार्क गोल्डकपमा नेपालको प्रर्दशन

सन् १९९३ मा सार्क गोल्डकपका नामले शुरु भएको यो प्रतियोगिता १९९७ मा नेपालमा आयोजना भएपछि साफ च्याम्पियनसिप बन्न पुगेको थियो । त्यसयता यो प्रतियोगिता सार्क कोकाकोला गोल्डकप हुदै साफ सुजुकी कपको नामले पनि चिनिन्छ । दोस्रो संस्करणको दक्षिण एसियाली स्तरको सार्क गोल्डकप श्रीलंकाको राजधानी कोलोम्वोमा भएको थियो ।

पहिलो सार्क गोल्डकपमा नेपाली टोली । तस्बिर सौजन्य :राजुकाजी शाक्य ।

दुई वर्षअघिबाट शुरु भएको सार्क गोल्डकपको दोस्रो संस्करण घरेलु टोली श्रीलंकाले आफ्नै भुमिमा राख्न सफल भएको थियो । पाँच राष्ट्रले सहभागिता जनाएको सार्क गोल्डकपको फाइनलमा श्रीलंकाले पहिलो संस्करणको विजेता भारतलाई अतिरिक्त समयमा १–० ले पराजित गर्दै उपाधि जितेको थियो । त्यसअघि समूह चरणमा यि दुई टिमले एक आपसमा खेलेका थिए । समूह ‘बी’ मा दुई टोली मात्रै रहेका थिए । दुवै टिमले २–२ गोलको बराबरी खेलेपछि खेलको निर्णय पेनाल्टी सुटआउटमा पुगेको थियो । त्यसमा पनि बराबरी भएपछि टसमा श्रीलंका विजयी हुन सफल भएको थियो ।

दोस्रो सार्क गोल्डकपमा नेपालको प्रदर्शन

श्रीलंकाको कोलोम्वोमा दोस्रो संस्करणको सार्क गोल्डकप २५ मार्च देखि २ अप्रिलसम्म आयोजना भएको थियो । समूह ‘ए’ मा एक हार र एक जितसहित नेपाल सेमिफाइनलमा पुग्न सफल भएको थियो ।

दोस्रो सार्क गोल्ड कपमा नेपाल र पाकिस्तानबीचको खेल अघि । तस्बिर सौजन्य : राजुकाजी शाक्य ।

२७ मार्चमा बंगलादेशसँग २–० ले पराजित भएको नेपालले २९ मार्चमा पाकिस्तानलाई २–० ले पराजित गर्दै सेमिफाइनलमा पुग्न सफल भएको थियो । पाकिस्तानविरुद्धको खेलमा हरि खड्का र बालगोपाल महर्जनले गोल गरेका थिए । नेपाल श्रीलंकासँग अतिरिक्त समयमा २–१ ले पराजित हुदै सेमिफाइनलबाट घर फर्किएको थियो । यो खेलमा नेपालका दीपक अमात्यले गोल गरेका थिए ।