काठमाडौं (हाम्रो खेलकुद) – १२औं संस्करणको दक्षिण एसियाली स्तरको साफ च्याम्पियनसिप आउन अब ५ दिन बाँकी छ ।  प्रतियोगिता आउन ५ दिन मात्रै बाँकी रहँदा नेपालले साफ च्याम्पियसिपको तयारीलाई तीब्रता दिएको छ ।

सेमिफाइनलभन्दा अघि बढ्न नसकेको नेपालले यसपटक फाइनल पुग्ने लक्ष्य बनाएको छ । नेपाली टिमले एक साताअघिबाट साफलाई लक्षित गर्दै बन्द प्रशिक्षण थालेको छ । टिमलाई कार्यवहाक मुख्य प्रशिक्षक बालगोपाल महर्जन, प्रशिक्षक किरण श्रेष्ठ र नवीन महर्जनले प्रशिक्षण दिइरहेका छन् । एन्फाले सोमबार मात्रै साफ सुजुकी कपको लागि २० सदस्यीय टिमको घोषणा गरिसकेको छ । इन्डोनेसियामा रहेका मुख्य खेलाडी रोहित चन्द पनि टिमको प्रशिक्षणमा सामेल भैसकेका छन् ।

साफ च्याम्पियनसिप यही भदौ १९ देखि ३० सम्म बंगालादेशको ढाकामा हुँदैछ । नेपाल समूह ‘ए’ मा रहेको छ । नेपालले १९ भदौमा पाकिस्तानसँग खेल्दै साफको शुरुवात गर्नेछ । २१ भदौंमा भुटान र २३ भदौंमा आयोजक बंगलादेशको सामना गर्नेछ ।

साफ सुजुकी कपमा नेपालको खेल तालिका

भदौ १९ गते मंगलबार नेपालविरुद्ध पाकिस्तान

भदौं २१ गते बिहिबार नेपालविरुद्ध भुटान

भदौं २३ गते शनिबार नेपालविरुद्ध बंगलादेश

हाम्रो खेलकुद डटकमका फोटो पत्रकार विवेक सुवेदीले नेपाली टिमको प्रशिक्षणका खिचेका केही तस्वीरहरुः