म्याड्रिड (एजेन्सी)- रियल म्याड्रिड क्रिस्टियानो रोनाल्डो बिना मैदानमा उत्रिदा ग्यारेथ बेललाई कुनै दबाब नहुने रियलका म्यानेजर जुलेन लोपेटेगुइले बताएका छन् ।

रोनाल्डोको गोल प्रतिस्थापन गर्न सक्छौ तर बेललाई कुनै प्रकारको दबाब पर्ने छैन् । लोपेटेगुइले भने, ‘रोनाल्डोको प्रतिस्थापनका लागि वेल्स फरवार्डमाथी जिम्मेवारी छैन ।’ क्लबको सर्वकालीन महान गोलकर्ता रोनाल्डो यसै सिजन युभेन्ट्स पुगेका थिए । उनकै प्रदर्शनमा रियलले आफ्नो पछिल्लो पाँच सालमा चार च्याम्पियनस लिग जितेको थियो । रियलले नेयमार, इडेन हाजार्ड र एमबाप्पे जस्ता स्टार खेलाडी भित्र्याउने प्रयास गरे पनि अहिले सम्म सफल भएको छैन ।

मेमा भएकमो युरोपियन फाइनलमा विजयी गोल गरेका बेललाई रोनाल्डोको स्थानका लागि नजरमा राखिएको छ । लोपेटेगुइले गोलको बोझलाई बेलमा नथुपारी रक्षात्मक रुपमा टोलीलाई अझ बलियो बनाउने तयारी गरेका छन् । लोपेटेगुइले भने, ‘यो बिषयमा हामी चिन्ता गर्दैनौ । बरु हामी त्यो लक्ष्य भेट्टाउन के गर्ने सक्छौ । ताकी खालाडीलाई पनि सुधार गर्न सक्छौ । हामी यो चाँहदैनौ की जो गोल गर्ने जिम्मा विशेष रुपमा कसैको होस् ।’

उनले थपे, ‘यसो गर्न केवल दुई तरीका छन् । गोल गर्ने क्षमता धेरै खेलाडीमा फैलाउने वा कम गोल खाने लक्ष्यलाई जोड दिने । हामी त्यो टिम बन्ने कोसिस गर्नेछौ जो भविष्यमा बन्न चाहन्छौ ।’

‘यो टिमलाई सुधार गर्न मेरो शतप्रतिशत ध्यान केन्द्रित भएको छ । ला लिगा शुरु भएको छ र हरेक खेल उत्तिकै महत्त्वपूर्ण छ । अब तीन अंक कसरी जोड्ने भन्नेमा जोड दिन्छौ ।’ उनले थपे, ‘म जे गर्दै छु उनीहरुसँग गर्दै छु जो यहाँ छन् र म उनीहरुसँग खुसी छु ।’