लन्डन (एजेन्सी) – प्रिमियर लिगमा गत सिजन सर्वाधिक गोल गर्दै गोल्डेन बुट आफ्नो नाम गरिसकेपछि मोहम्मद सलाहलाई यो प्रदर्शन कायम राख्न सकिएला भन्ने प्रश्न गरिएको थियो । सो प्रश्नको जवाफ दिंदै सलाहले हाँस्दै भनेका थिए “चिन्ता नलिनुस, म मेरो प्रदर्शन कायम राख्नेछु।”

क्रिस्टियानो रोनाल्डो, लुईस स्वारेज जस्ता खेलाडीहरुलाई पछि छाड्दै त्यस सिजन सलाहले ३८ प्रिमियर लिगका खेलमा ३२ गोल गरेका थिए । प्रिमियर लिगको नयाँ सिजन सुरुहुँदा समेत सलाह आफ्नो पुरानै लयमा देखिछन्। यस सिजनको आफ्नो पहिलो गोल गर्न समेत उनलाई १९ मिनेट मात्र लाग्यो । दोस्रो खेलमा आशाअनुरुप प्रदर्शन गर्न नसकेपनि उनी पेनाल्टीमा जित्नबाट चुकेनन् ।

लिभरपुलले आफ्नो अर्को खेल ब्राइटनविरुद्ध खेल्दैछ । सोहि टोलीलाई लिभरपुलले अन्तिम सिजनको लिगको अन्तिम खेलमा ४-० ले मिठो हार चखाएको थियो । के सलाहले अन्तिम सिजनको जस्तै प्रदर्शन गर्छन् वा अझ धेरै गोल गर्छन् भनेर आशा राख्नु गलत हो त ?

विपक्षी टोलीका डिफेन्डर र प्रशिक्षकहरुले सलाहको विरुद्धमा रणनीति बनाउने समय पाएका छन् । उनी लिभरपुलका लागि पेनाल्टी समेत लिंदैनन् । साथमा प्रशिक्षक क्लोपलाई खेलाडी परिवर्तनमा सहयोग पुर्याउन स्विजरल्याण्डका जेर्डान साकिरीलाई समेत टोलीमा समावेश गरिएको छ । अन्तिम सिजन छायाँमा परेका माने समेत यो सिजन उत्कृष्ट लयमा रहेका छन् र मोहम्मद सलाहलाई अहिले नै छायाँमा पार्न थालेका छन्।

लिभरपुलमा आएर सलाहको प्रदर्शनलाई भाग्यशाली भन्नेहरुका लागि सलाहले इटालियन लिगमा गरेको गोल समेत सहयोगी छ । उनले २०१५/१६ मा १४ र २०१६/१७ को सिजनमा रोमाबाट १५ गोल मात्र गरेका थिए । प्रिमियर लिगमा उत्कृष्ट प्रदर्शन गरेका ह्यारी केनले समेत सलाहलाई चुनौती दिएका छन् ।

गत सिजनको खेलहरु समाप्तनै नभईकन केनले आफुमा प्रिमियर लिगको गोल्डेन बुटको दौडमा अरुलाई चुनौती दिन क्षमता भएको बताएका थिए । यस सिजन सलाहका लागि सोहि प्रश्न सोधिने छ । केनले भनेका थिए, “यो त्यस्तो कुराहो जसले एक खेलाडी राम्रो हो या महान् हो भनेर चिनाउँछ । सलाहले यो बर्ष धेरै उत्कृष्ट खेल देखाए र उनी एक महान् खेलाडी बन्ने पंक्तिमा छन् । आशा छ हामी दुवै आफ्नो लयलाई अर्को सिजनमा समेत कायम गर्न सक्छौं । “

यद्यपी सलाह प्रेसरमा आउने खेलाडी जस्तो देखिंदैनन् । त्यो चुनौतीको विषयमा सोच्नुहोस जुन उनले इजिप्टबाट खेल्दा पाउँछन् । लिभरपुलको सलाहलाई सहयोग गर्नकै निम्ति आफ्नो टोलीलाई थप सशक्त बनाएको छ र आफ्नो दुई खेलमा ६ गोल समेत गरिसकेको छ ।