टुरिन(एजेन्सी)- पोर्चुगिज स्टार खेलाडी क्रिस्टियानो रोनााल्डोले लामो समय देखि देश र क्लबका लागि प्रतिष्ठित जर्सी नम्बर ७ लगाउँदै आएका छन् । अझ भनौ वर्तमान अवस्थामा जर्सी नम्बर ७ रोनाल्डोकै कारण प्रख्यात भएको छ । रोनाल्डोलाई अर्को नाम सिआरसेभेनले पनि बोलाउने बानि बसिसकेको छ ।

म्यानचेस्टर युनाइटेड देखि लगाउँदै आएका जर्सी नम्बर उनले रियल मड्रिड हुँदै हाल युभेन्ट्समा पनि जर्सि नम्बर ७ नै लगाएका छन् । उनले आफ्नो नाम र जर्सि नम्बरलाई एक अन्तर्राष्ट्रिय ब्रान्ड बनाइदिएका छन् । उनी युनाइटेड पुग्दा उनको मनपर्ने जर्सि नम्बर उनीसँग थिएन् । उनले स्पोर्टिङमा जर्सि नम्बर २८ लगाएका थिए । तर, जब उनी २००४ मा रेड डेभिल्स पुगे तब तत्कालीन प्रबन्धक सर एलेक्स फर्गुसनले उनलाई जर्सी नम्बर ७ दिएका थिए । फर्गुसनलाई रोनाल्डो प्रति पूर्णविश्वास भएकाले जर्सि नम्बर ७ दिएको बताएका छन् । जुन रोनाल्डोले साबित गर्दै आएका छन् ।

रोनाल्डोले ओल्ड ट्राफेर्डमा आफ्नो मनपर्ने २८ नम्बर जर्सि लगाउने बताएका थिए । तर, फर्गुसनले युनाइटेडको प्रख्या ७ नम्बर जर्सी दिने निर्णय गरे जुन फुटबलका महान हस्तीले लगाएका थिए । जर्सी नम्बर ७ युनाइटेडको इतिहासमा महान हस्ती डेभिड बेकहम, जर्ज बेस्ट र एरिक क्यान्टोना जस्ता खेलाडीले लगाएका थिए । त्यही जर्सि लयाएर रोनाल्डोले प्रिमियर लिगमा विपक्षी रक्षालाई तोड्दै उत्कृष्ट प्रदर्शन गरे । इंग्ल्याण्डमा रहँदा उनले एक सिजनमा ४२ गोल गर्दै २००८ मा बेलोन डिओर पनि जिते ।

युनाइटेडसँगको छ बर्षे यात्रा टुङ्ग्याउँदै उनी २००९ मा रियल मड्रिड गएका थिए । तर, उनले शुरुमा रियलमा जर्सी नम्बर ९ लगाएका थिए । त्यतीबेला रियलका कप्तान राउलले ७ नम्बर लगाएका थिए । उनी युभेन्ट्समा पुग्दा नम्बर ७ युभेन्ट्सका विंगर जुआन कुआड्राडोले लगाएका थिए । तर रोनाल्डोलाई सम्मान गर्दै उनले १६ नम्बर लगाउने निर्णय गरे ।

रोनाल्डो अहिले देशका लागि समेत जर्सि नम्बर ७ लगाउने गर्छन् । राष्ट्रिय टोलीबाट सुरुमा खेल्दा सिनियर खेलाडी लुइस फिगोले ७ नम्बर लगाएका कारण रोनाल्डो पहिले १७ नम्बर जर्सि लगाउने गर्दथे ।