दक्षिण एसियाली खेलकुदमा जम्मा तिन स्वर्ण जितेकोमा पुरुष फुटबल टोलीको स्वागत भव्य रह्यो| पुरुष फुटबलको तुलनामा अर्को स्वर्ण विजेता निमा घर्ति मगरको आगमनमा कसैले वास्ता दिएन भने अर्की स्वर्ण  विजेता फूपु आज नेपाल आउने कार्यक्रम छ|

फुटबलमा स्वर्ण जितेलगत्तै अखिल नेपाल फुटबल संघले विजयी खेलाडीहरुलाई नगर परिक्रमा गराउने कार्यक्रम तय गर्यो र त्यसको तयारीमा जुट्यो| सम्पूर्ण मिडियालाई परिक्रमाको अघिल्लो दिन नै रुट र समयको जानकारी गराइयो| खेलाडीहरुको नगर परिक्रमाका लागि भनेर नेपाल आर्मीले पांच ओटा खुल्ला छत भएका ट्रक सहयोग गरे भने सशस्त्र प्रहरी बलले ब्याण्ड बाजा टोलि पठायो| संघले पुरुष खेलाडीको मात्र नभई महिला खेलाडीको स्वागतमा पनि राम्रो ध्यान दियो| तर, मिडिया र जनताको चासो पुरुषले जितेको स्वर्णमा मात्र सिमित रहेकाले उक्त कार्यक्रम ओझेलमा पर्यो| एकैदिन दुवै टोलीको आगमन भएकाले पनि यस्तो वातावरण सिर्जना हुन पुगेको हुनसक्छ|

मिडियाको राम्रो कभरेज र संघको राम्रो तयारीले परिक्रमा कार्यक्रम भव्य भयो| राष्ट्रिय झन्डा सहित समर्थकहरु विमानस्थल देखि रंगशाला सम्म पुगे र त्यहाँ भएको बधाई तथा सम्मान कार्यक्रममा रमे| गायक प्रमोद खरेलको गायनमा नाच्ने देखि कप्तान र प्रशिक्षकको बोलीमा कराउदै साथ दिए समर्थकले|

तर उता उसु संघको भने कुनै पनि त्यस्तो कार्यक्रम थाहा भएन| न त टोलि आएको थाहा भयो, न त कुनै बधाई नै| अझ बिडम्बना, काकड़भित्ता आएलगत्तै पदक विजेता खेलाडीलाई छाडेर संघका पदाधिकारी र व्यवस्थापन टोलीका सदस्य सबै काठमाडौँ लागे| खेलाडीहरुले खाने र बस्ने सुबिधा नपाएको भन्दै पत्रकारहरुलाई पत्र समेत लेख्नु पर्यो|

खेलकुद परिषदले कुनै कदम नचालेको अवस्थामा संघलेनै आफ्नो खेलाडीलाई स्वागत गर्ने चलन रहीआएको र उक्त कार्यमा कुनै संघ तयार त कुनै अनभिज्ञ रहेकाले यस्तो अवस्था सृजना भएको आंकलन गर्न सकिन्छ|