काठमाडौं (हाम्रो खेलकुद)-अखिल नेपाल फुटबल संघ (एन्फा) ले भुटानमा अर्काे महिनाको अन्तिम सातादेखि आयोजना हुन लागेको यू–१८ महिला साफ च्याम्पियनसिपका लागि पहिलो चरणमा ३५ खेलाडी छनोट गरेको छ । एन्फाले जिल्ला कप छनोट र उपराष्ट्रपति कपमा खेलाडीहरुले गरेको प्रदर्शनका आधारमा प्रारम्भिक चरणमा ३५ खेलाडी छनोट गरेको जनाएको छ ।

फाइल तस्बिर

खेलाडी छनोट मुख्य प्रशिक्षक हरिओम श्रेष्ठ, सहायक प्रशिक्षक प्रकाश वैद्य र अस्मिता खवासले गरेका हुन् । ३५ खेलाडीले आइतबारबाटै प्रशिक्षण शुरुवात गरेको एन्फाले जनाएको छ । दोस्रो चरणमा ३० खेलाडी र अन्तिम चरणमा २३ सदस्यीय टिको घोषणा गरिने यु–१८ का मुख्य प्रशिक्षक हरिओम श्रेष्ठले जानकाी गराए ।

साफ यु–१८ महिला च्याम्पियनसिप आगामी सेप्टेम्बर २८ देखि ७ अक्टोबरसम्म हुनेछ । च्याम्पियनसिपमा ६ टोलीको सहभागिता रहेको छ । यसअघि सात टोलीले सहभागिता जनाउने बताइएपनि शनिबार मात्रै श्रीलंकाले साफबाट नाम फिर्ता लिएको थियो ।

च्याम्पियनसिपमा नेपाल समूह ‘बी’ मा रहेको छ । नेपालको समूहमा पाकिस्तान र बङ्गलादेश खेल्नेछन् । त्यस्तै समूह ‘ए’ मा भारत, माल्दिभ्स र भुटान रहेका छन् । नेपालले पहिलो खेल सेप्टम्बर २८ मा पाकिस्तानसँग खेल्नेछ । दोस्रो खेलमा नेपालले अक्टोबर २ मा बंगलादेशको सामना गर्नेछ ।

पहिलो चरणमा छानिएका खेलाडीहरु

गोलकिपरः अन्जना राना मगर, उषा नाथ, चेत माया जिसी, कविता राई

डिफेन्डरः पुजा राना, सामिक्षा घिमिरे, कोपिला धिमाल, पुनम पासवान, सपना मगर, रिता गजमेर, विमला विक

मिडफिल्डरः दिल कुमारी रानामगर, पवित्रा लिम्बु, छिरिङ लोप्चन, मनिषा राउत, अस्मिता वैद्य, मेनुका आलेमगर, सुस्मिता तामाङ, सरिता शेर्पा, सुहानी कुँवर, सरु लिम्बु, मञ्जली योन्जन, रजनी श्रेष्ठ, शुभद्रा खड्का

स्ट्राइकरः निर्मला उपाध्याय, रश्मी कुमारी घिसिङ, रेखा पौडेल, एलिसा जिम्बा, सम्झना लावती, सावित्रा देवि मगर, सम्झना शर्मा