लन्डन (एजेन्सी) – इंग्लिस प्रिमियर लिग फुटबलमा चेल्सीले आर्सनलमाथि रोमाञ्चक जित निकालेको छ ।  चेल्सीको घरेलु मैदान स्टामफोर्ड ब्रिजमा शनिबार राति भएको लन्डन डर्बी भिडन्तमा चेल्सीले खार्सनलमाथि ३–२ को रोमाञ्चक जित निकालेको हो ।

चेल्सीको जितमा पेड्रो रोड्रिग्वेज, अल्भारो मोराटा र मार्काे एलोन्सोले गोल गरे । आर्सनला लागि हेनरिक मिखटारियन र एलेक्स इओवीले गोल गरे । घरेलु मैदानमा चेल्सीले खेलको नवौं मिनेटमा एलान्सोको उत्कृष्ट क्रसमा पेड्रोको गोलबाट अग्रता बनाएको थियो । २० औं मिनेटमा मा सेजरको पासमा मोराटाले अफ साइड बिटबाट गोल गर्दै चेल्सीले खेलमा २–० को अग्रता बनायो ।

२–० ले पछि परेपछि आर्सनल खेलमा फर्किएको थियो । चार मिनेटको अन्तरमा दुई गोल गर्दै आर्सनलले पहिलो हाफ २–२ गोको बराबरीमा ल्याएका थिए । हेनरिक मिखटारियनले ३७ औ मिनेटमा गोल गर्दै आर्सनललाई २–१ को स्थितिमा पु¥याएका थिए । मिखटारियनकै पासमा ४१ औ मिनेटमा एलेक्स इओबीले गोल गर्दै खेल बराबरीमा ल्याए ।

दोस्रो हाफमा मैदान छिरेका ८१ औ मिनेटमा मार्कोस एलोन्सोले गोल गर्दै चेल्सीलाई ३–२ को रोमाञ्चक जित दिलाए ।

जितसँगै चेल्सीले दुई खेलबाट ६ अंक जोडेको छ । आर्सनलको भने यो लगातार दोस्रो हार हो । यसअघि आर्सनल पहिलो खेलमा साविक विजेता म्यानचेस्टर सिटीसँग पराजित भएको थियो ।

प्रिमियर लिगका अन्य खेलका नतिजा
कार्डिफविरुद्ध न्युकासल युनाइटेड (०–०)
एभर्टनविरुद्ध साउथह्याम्प्टन (२–१)
लेस्टर सिटीविरुद्ध वुल्भ्स (२–०)
टोटनह्यामविरुद्ध फुलह्याम (३–१)
वेस्टह्यामविरुद्ध बोर्नामाउथ (१–२)