युरी मड्रिड (एजेन्सी) –एथलेटिको विल्वाओका डिफेन्डर युरी वर्चिचेले फ्रेन्च क्लब पेरिस सेन्ट जर्मेन (पिएसजी) का आफ्नो पूर्व सहयात्री नेयमार स्पेनिस जाइन्ट रियल मड्रिडमा आएको हेर्न चाहेको बताएका छन् ।

इएल पोडकास्टको अन्र्तवार्ताको क्रममा पूर्व सहयात्री युरीले नेयमारलाई रियलको सेतो जर्सीबाट खेलेको हेर्न चाहेको बताएका हुन् । युरी पनि यसै सिजन पिएसजीबाट स्पेनिस क्लब एथलेटिको विल्वावोमा आएका हुन् ।

‘म नेयमार स्पेन फर्किएको हेर्न चहान्छु । उनले रियलको सेतो, निलो र रातो जर्सी लगाएर खेलेको खेल हेर्न उत्साहित छु । यसअघि उनी बार्सिलोनामा पनि खुशी थिए । अहिले पिएसजीमा पनि खुशी छन् ’ अन्र्तवार्ताका युरीले भने, ‘तर, उनी अझै पनि ला लिगा मन पराउछन् । उनी साच्चिकै फेन्टास्टिक छन् । नेयमारसँग मेरो राम्रो मित्रता छ । उनी रियलमा आए, म मेरो तर्फबाट शुभकामना दिन चहान्छु ।’

नेयमारलाई रियलले अनुबन्ध गर्ने प्रयास गरिरहेको छ । तर, ब्राजिलियन स्टार नेयमारले आफु फ्रान्समै खुशी रहेको बताएपछि रियलले नेयमारलाई कुनै प्रस्ताव अघि सारेको थिएन । फ्रेन्च लिग शुरु भैसक्दा पिएसजीले काइनमाथि ३–० को सहज जित निकाल्दा नेयमारले एक गोल गरेका थिए ।

नेयमार अघिल्लो सिजन मात्रै पाँच वर्षका लागि बार्सिलोनाबाट कीर्तिमानी २२२ मिलियन पाउन्डमा पिएसजीमा अनुबन्धित भएका थिए । पिएसजीमा नेयमारको सम्झौता अझै चार वर्ष बाँकी रहेको छ ।